walad pakayari, na kareenan dan manbibilay, inkasamsam tan inkaandi liket da, inkapasakitan da ed saray
papablien da, tan diad inkerew day panayakop ed Katonungan et atalusan dan petepeteg ya anggapoy naalagar dan balot a tulong no ag bukor na maniapod sikaran
aili. Balet ta naillingo kayo, sinyor, no isipen yon saray
onkekerew na katonungan et sara labat so manges a too;
lakayo ed binaleybaley, segep kayod saray kaabongan,
dengel yo ray maamot a paningel day kabolegan, tan
ditan yo nanengneng a saray kaugsan ya aapigeran dan
kuay Guardia Civil anggapoy duma ra no ag mas anlemew nira ingen nen saray napapalesa ra. Nisesengeg
ed saya, nayarian tayo kasin ibaga a manges Iran totooy
amin a mibabaley? No ontan, anto ni pankaukolay pangilaban tayod sikara sirin ed saray tutulisan ey? Akin
et aglara aposan ya amin a parapara ey?”
“Wala anganko diay lingo ya agko nitoro natan, sakey a lingo ed inpangiparaan tan panangikurang a dederalen toy kakanaan da, ta diad Espana ya Inan-Bansa, saray Guardia Civil lawas a makanakana ra natan may kapigan.”
"Agko panduaruaan ya ontan: diman lagi mas maong so inkatogiop da ono mas apili ray totoon ipapasen. odino nayari met a nakaukolan irad man ed Espana tan diad Pilipinas et andi. Saray ugali tayo, say panagbilay tayo ya ipapagagal da ran lanang no walay agda labay ya ipagamor ono yabuloy ed sikatayon pankatonungan, nalingoanan iran aminpinsan balet no walay labay dan ipasout ya ipasakbat. Tan, ibaga yo pad siak, sin yor; akin iray arum a bansa ya diad kasinggeran da lagi ed Espana et mas dakel so pialaan dad sikato nen say Pilipinas, et agmet ira angiay Guardia Civil da ey? Sikato pa lagi yay makasengeg ya anggad natan et daiset niray nagagawan sabat tan takew ed saray tren da, mas matalag iray onaalsa, mas daiset iray mamapatey tan mansasaksakan ed saray ankakabaleg iran siudad da?”
Intewek nen Ibarray uld to ya singa mannonunot, insan to intangwa ed nagogonoyan a nankuan:
"Sayan kipaakaran, kaaro, nakaukolan toy ambelat a panmurekdek, no diad pansuysoy ko et napapaway ko ya walay tuatuan makasengeg ed saratan ya eyey day
