katoowan, mansulatak ed saray kakaarok ed Madrid ta
anggapo met lanti ray diputado ono mangilalaman ed
sikatayod man. Kaleganan to nia balet, manisia kayo ya
say Uley nakaukolan toy sakey a togiop ya anggapoy
anggaay pakayari to piano nagalang, tan pakauley ton
mamatulok.”
“Satan, sinyor, nakaukolan no say Uley et mibabakal ed bansa; balet ta diad dilin kaabigay Uley ag ma nepeg ya ipasisia ed bansa ya mikokontraan ed Paka uley. Et iyan tayo nin ontan, a labien tayoy biskeg tan pakayari nen say maong a linawa tan panangaroy baley, kanepegan sirin ya imanoen a maong no siopay pangiteran nian an di anggaan a biskeg tan pakayari, sayan pakauley. Say ontan a kabaleg na pakauley ed lima ray totoo, ya totoo ran makabos tan agda met apalaemay nanaral, totoon agda amtay maptek a panagnunot, tan ag met ni nisuri so kaptekay kagagawa ra, kabaliksan toy pangipabenben na armas a makapatey ed limay sakey ya ambagel insan ibulos ed utel day to toon anggapoy nayarian dan onggalaw a mangiagel ed inkasikaran dili. Akoen ko la ta labay ko met a sisiaen a miabobon ak ed sikayo, ya say Uley et nakaukolan to yan alimbaway taklay a mabiskeg a panmatalkan to, pilien to sirin no siopay ikana ton taklav, pilien to ra may sankamakankanepegan; tan bangta lablabayen ton man iapod sikaton dili pakauley nen say awaten tod baley, ipanengneng to sirin ya amta toy mangiter na pakauley ed inkasikaton dili.”
Mansasalitay Elias a mansasboy liknaan to; mankidiam iray mata to tan tibtibukel so bosis ton ompapaway. Kayari ton nansalita anggapoy inmesel ed sikaran dua ya abaybayag; samay baloto ya anggapoy mangibebegsay, wadman a patawpataw labat a mareereen ed tapew na danum, managaag so bulan a mabinbinta ed inanagan a katawenan; tan nanengneng met iran mankidiam so pigaran silew dimad arawrawin pangdel.
“?Anto ni ray arum a labay da ey,” kuanen Ibarra ed nagogonoyan.
“Say pangoman ed togiop day papari,” kuay ebat nen Elias ed bosis ton naandian lay ilalo tan maerermen;
