“sarayan masegsegang onkekerew iray pangiagel ed si kara ed saray...........”
“Ed saray papari?”
“Ed saray mamepespes ed sikara, sinyor.”
“?Alingoanan la sirin na Pilipinas so utang ton linawa ed saray papari? Alingoanan to lay balbaleg ya utang ton linawa a nepeg ton pisalamatan ed saray angaon ed sikato ed kalilingo tan angiter ed sikatoy Pananisia, saray angiagel ed sikato ed panaglames tan panamairap day walaci Uley? Sikato yay kaugsan na ag pangibagnat ed saray totoo na Awaran na dili ran bansa!"
Mankelaw si Elias a ngalngalin agto nasisiay narerengel to.
"Sinyor,” kuantod bosis ya ambelabelat; "pankakasalananen yoy baley ya agto amtay ombales na utang ton linawa, et abuloyan yoak pa, siak a sakey ed saray totoon maniirap, a yagel ko. Saray kaabigan a gaween odino ibonlok, nakaukolan ya anggapoy aalagden dan tomang ta piano onkanepegan iran pisalamatan. Agtila dia salitaey kimey day inmonan angipulong diay salitay Dios, tan say makristianon panangasi ya lawas dalan ipapagagal; paulian ti met lay Awaran, agti la tepeten ya okaiten dia no antoy ginaway Espana ed sa ray amin day judio ya sikara yay angiter ed lapag a Europa na sakey a Libro, sakey a Religion tan sakey a Dios; ap-ti met la dia ukiten no antoy ginawa tod bansay Arabe ya angiter ed sikatoy atagey ya aral, inabuloyan ton ag akibiangan ya anumbok na religion ton di li, tan inliing toy aro tan panangiansakit tod amin a nipaakar ed dilin bansa, ya liknaan irayan kabaliksan day abayag a naugip tan apaandi ni ingen legay panaon a walad silong na pakauley day Romano tan saray Godo. Kuanyo ta initdan da itayoy Pananisia tan inaon da itayo ed kalilingo; ipasen yo sirin a Pananisia so tapewtapew iran gawagawa, tan Religion itay pankokomirsio ray balbalkes tan eskapulario, tan Katuaan iratay ibabaga ran milagro tan tongtongtong a narerengel tayon inagewagew? Sikatoya pa lagi ganggan nen Jesucristo? No sikatoya labat so makasengeg, agla komon akaukolan ya impapairap tan impaipasak so Dios ya utang tayo yan linawa ya anggadangga. Say panani-
