da ya itumbok komon ed kurang na panaon tan balo
ran nakaukolan.”
“Siak, in'arok so baley tin nianakan a singa met panangaro yod sikato, Elias; natalusan ko man na daiset iray pilalek to. Tinalineng kon inmatlek so amin a imbaga yod siak, et anggaman ontan ni, isip ko ta singa amo nakukuliteptepan itayoy daiset ya aliwan unong a malinew so pakanenengneng tan pakasisimbang tayo ed nagagawa. Ag komon panugesay linawa yoy pangibagak a diad magter a pakatalus ko et anggapoy nanengneng ko dian petepeteg a pankaukolay pamasimbalo.”
“?Nayari tan kasi, sinyor?” kuanen Elias ya inandawes to ray lima ton napnoy kaermenan; “agyo nanengneng so pankaukolay pamasimbalo, sikayo ya saray segsegang a dinmadalan ed boleg yo......... ”
“ !Ah ! Agko nonunotey inkasiak, agko nonunoten iray segsegang ko, no nipaakar ed ag kagonigoy Pili pinas tan kaabigay Espana!” kuanen Ibarran biglan sinmalabat. “Ta piano ag naderal so Pilipinas, naka ukolan a magnayon iray papari ed kipapasen da natan, tan ontan met a say kaabigay bansa tayo walad agto isiyan ed Inan Bansa ya España.”
Tinmonda lan mansasalitay Ibarra et singa ni mantatalineng si Elias; marmaermen so lupa to ya mata to ray nakalay ligsa.
“Tua ta saranay inmonan paparin mionero et sikaray akapatulok tan akaamoyot ed bansa,” kuanton inmebat, “say pakaisip yo sirin walad lima ray papari so ag kaderal na Pilipinas?”
“On, diad lima ra labat, tan ontan met so pakaisip dan amin na nansusulat nipaakar ed Pilipinas.”
“!Ah! ' kuanen Elias a nakalay ilalo tan inikbanan ton impelag so begsay dimad dalem na baloto, “ag ko inilaloan ya anggapo manayay panangitalek yod Uley tan say bansa! Akin et agyo lara laingen lemlemewen a paulian ya aminpinsan ey ? Antoy kuanyo bilang ed sakey a boleg ya agto nauksoy so bilay to no ag ibaan ya itunton na sananey a boleg ey? Sakey a bansa ya ontotulok ta lapod nadedeyeng ed eleng, sakey ya Uley ya makapangganggan labat lapod manloloko, sakey ya Uley ya afrto naamoyot lapod inkasikaton dili so panangigalang tan panangaroy totoon ouleyanto! Itepel yoak, sin-
