yor, balet ta diad pakaisip ko satay Uley yo mangmang
tan manbibitkel no panliliketan to ya ontay ompasek ed
ulo ray totoo! Salamat na balbaleg ed hnpamagusto
yod siak; ?iner so labay yon pangitoloran kod sikayo
natan ey?”
“Mayani, Elias,” kuanen Ibarra; “supiaten ti pani ya ta nakaukolan ya amtaen no siopay walay katonungan ed sayan makabaliksan a pamaakaran.”
“Itepel yoak, sinyor,” kuanen Elias a manpeyeng; “makapoy ak a manalita tan agtakayo lan lamang napanisia ed ibabagak; anggaman tua ta akaaralak na daiset sakey ak labat ya indio ya agyo kabat so petepeteg a panbibilay ko, kanian agko pankelawan no lawas ipasen yon makapainap tan panduaruaan yo ray ibabagak. Saray angibesngaw na sumlang iran kanunotan, kakastila ra, tan maniapod ontan anggano saray imbabaga ra et andi kakabaliksan ono andi kakanaan, say panangibaga ra, saray atagey a kipapasen ono betang da, say inkatoo ran dili, masulosulok lan panisiaan ed sikara, ka nian agak la ontalek ya onsungpa. Sakey ni, say pakanenengneng kod sikayo, ya anta inaro yoy baley yon nianakan, sikayo ya say ama yo et wadian manpapainawa ed dalem da ra nian mareen a daldaloyon, sikayo ya masulosulok komoy pampetang yoy ulo, alemlemew ka yo, apauges kayo, et ontan nin siansiay panagnunot yo anta atagey so aral yo nimet, onsasabi met laingey duaruwak ed kaptekay pananisiak a dili, tan akoen kola ya nayarin nalilingo met so baley. Ompawil ak a mangibaga ed saraman a masegsegang ya impeket day ilalo tan pananisia rad saray totoo, ya ipasakey dala tan ya ilalo tan pananisia ed Dios, odino diad biskeg day taklav dan dili. Misalamatak lamet ed sikayo tan ibaga yo labat no iner so pangiakaran kod sikayo.”
"Elias, say pait na pananalita yo tataneken ton anggad pusok tan onsasabi met la laingey duaruwak. Panoy gaween yoAgak binmaleg ed utel day katoowan kanian ontan lagin agko amtay petepeteg a nakaukolan da; naugawak ed Colegio ray Jesuitas, kabaliksan koy binmaleg ed Europa, tinmoboy kalakal ko ya say amtak nanlapo labat ed saray binabasak a libro ya anganggaay abasak met sara labat so nikurit tan nipaliwawa ray managsulat, saray walad kabilungetan, saray agda naukit
