maamot a pananosa lagi, agda tinoloyan a pinatey tan
imbulos da. Si asawa to ya malokon, liberliber kalamor
a manaanap na anggan antolan nayarian ton kimey a
pakalmoan to, tan mipapayabol na mogmo Ian nipakan
to ed asawa ton agmakayari tan anak to; et siopay mamiya ed asaway sakey ya andi galang a managpoul?
Nen angapo lay nagawan to, nananapan toy inkabii to,
ya nanmaliw a biin paakar!”
Inmalagey si Ibarra ya agto naamamtaan.
“Mandeen kayo labat, agkayo mapaga! Satan ya anapan. agla makapaabebad sikato tan ontan met ed kinen asawa to, ta abalang daman lay kagalangan tan kababaingan. Nen inmabig iray sugasugat nen laki, tinmaynan la ran sanasawa ya asakda ran nanbilay a nanamotamot ed kapalandeyan to nian luyag. Dia inanak nen bii so sakey ya ugaw a kinmebet a sinmipor lad sikatoy sakisakit, tan diad sankabalgan a kapalaran to agangganon nambilay. Nanayam ira dian kabukbukoran a pigay bulan ed ag nabaliksanan a segsegang, a kabusol tan papaliisan iray amin a katoowan. Nen agla nisongdo nen lalik so onman lan kairapan ta makulang lagi tepel nen si asawa to, tan diad panbanbantay tod saya ya agmakayari ya anggapon anggan mogmon niiter ton tulong tan pankawalo, apatikey toy linawa to tan nanbitkel ya inbitay toy laman to ed sakey a kiew. Nanbulok so bangkay a sankanengneng nen anak ton laki, ugaw kalamor a ngalngalin agto ni naiwi ina ton mansasakit, tan diad banget na bangkay a gnanbobulok akabatay justicia. Nidalem si baik tan adusa ed agto impangipakabat ya asakbay; impakasalanan da ni ingen ed sikatoy impatey nen lakik tan sinisia met yay kalapagan, ta anto ni ag nagawaay asaway sakey a marumsis a makasalanan ya adusa, biin nananapan toy inkabii to? No mansamba ibaga ran mantitila, no onnangis ibaga ran mankokonkuanan, no ontawag ed Dios ibaga ran mansasalitay sumpad dilin Dios ono Pananisia. Ontan man kinasian da met, inalagar da ni inkayari ton nananak insan da binakbak. Amta yo la ya saray papari et ipapalapag day kaisipan ya anggapoy arum a pakapatoloked saray indio no ag say le-
