gapo la balet so nayurongan: si Lúculo ag mangakan ed abong nen Lúculo. "
"Agki onaalagey," kuanen Kápitan Tiago ya inggaton toy lima to ed takeb nen Ibarra. "Inter koya nimet a pista ya pisalámat ed Virgen ed insabí yo. Oy! Awit yo dia tay tinola. Amagawa ak na tinola ya innunot kod sikayo ta abaybayag lan agyo atawayan."
Nitanlan inloob day sakey a sopiran baleg a mana- sasewek. Samay dominiko, kayari ton inkuros so Benedicite (2) ya anggapo lawari amta toy onebat, ginapoan ton inbonog so lugan ton may sopira. Nibana lági onó anto, ya say nipunta ed pári Dámaso dakdakel a batatas tan sabaw a panlanglangoyay beklew ya anggapoy baog, tan sampot na payak ya anawet, sara balet so arum balibáli pangakan day ulpo, pagew, lalo lay Ibarra ya abanaan toray kagawaay manok. Samay pransiskano sankanengneng to yan amin, tinemektemek to may batatas, inmilop na daiset a sabaw, impalaltog toy kutsara ton inggaton, insan to biglán intolak so lipong tod bandad arap ya inarawid sikato. Samay dominiko balibáli pitotungtong tod samay tubonbálon singa buek na mais so buek to.
"Pigay taon a naandi kayod báley yo ey?" kuay tinepet nen Laruja ed Ibarra.
"Kulangkulang a pitoy taon."
"Ay, abayag! Alingoanan yo la sirin anganko?"
"Andin balot: tan anggaman singa siak so alingoanan to, pinunot kon naynay."
"Antoy labay yon ibagad satan ey?" kuay tepet ton may singa buek na mais so buek to.
"Say labay kon ibaga so sakey taon la ya anggapon balot so naawat kon bengat lan balita ya nanlapo dia,
(1) Si Lucio Licinio Lúculo sakey a general romano ya balitado ed liket tod maong a kanen tan say karakel tan abig na ipapakan to no mankokonbida. Say nansengegan to nian salita nia ay: Sakey ya agew, manlapod anggapoy amta nen kosiniro ya sankaili, ag nanggaway maong a sirá tan makapoy so imparongo to. Nen impatawag toy kosiniro ya tinepet to no akin et makapoy so kanen, tan inebat to nia ya agla nanparaan a maong ta anggapo met so sankaili, amasnok si Lúculo tan inkuanto so diad sayan agew si Lúculo mangan ed abong nen Lúculo, ya kabaliksan to nia so anggano sikaton bukor so mangan masulosulok a makasengeg na panparaan nen kosiniro. Sinomlang nen Rizal balet so impangibaga to. (2) Gapo yay darasalen kasakbayay igapon mangan a say talos to "Bindisionan mo pa". Sikatoyay darasalen day papári tan mamadri tan ontan da met iray boleg a masasantos. No diad saray papari tan mamadri, ipoon na manonaan da tan onebat iran amin ya alegey. No diad kaabongan, ipoon na amá
onó say iné.
