wet; no labay yo basa yoy ibabaga nen P. Gaspar de S.
Agustin.(1)
“Say sakey a biin nadusay onia nasabisabin ayewen
ton isambay agew a pananak to ta say pantaltalaran
toy pangako toy dusa singa to inanatnat so panirap to,
tan sakey ni, singa to nanaerep ed pagew toy panangaroy ina. Diad sulit na kapalaran nananak ya ag naano,
tan diad sulit na kapalaran met, pinmaway so ugaw a
mabisbiskeg tan mataba. Kalabas na duay bulan ed
impananak to, sinumpal so dusa ed baleg a inkapda ray
totoo ya isisipen dan akasumpal la ray nabebetangan
da. Lapod anggapo lay kareenan ton manbibilay ed saraman a palandey, tinmaynan ya iba toy duaran anak
ton a maarap ira ed kaabay a luyag a diman. ira nanbilay
a singa ra ayep, a kabusol da ra tan kabusol da met ya
ami too. Samay pangoloan ta diad onman lan asabi bi
lay dan segsegang et agto ni alingoanan so impanugaw
ton mainawa tan maliket, kabaleg to nanmaliw a tulisan tan binmawag ed pigapigan luyag so ngaran ton
Balat a tatakotay binaleybaley, tan diad pangibabales
toy asagsagmak na boleg ton segsegang, nanmaliw a
maruksa ya aliwa labat lan mantatakew no agta nanpapa tey tan nanpopoul. Samay yogtan ta maong a loob
tan anlemek a puso, intepel ton andi esel so sulit na
kapalaran tan kababaingan to, ya agto inalisay ina to;
manbibilay ira ed nanaala rad man ed katakelan, tan
mansosulong iray kawekawes iran agilaygilay tan luplupot ya ibabanbantak da ray ondadalan a manbabaroy.
Anggapo lay mamibitlay ngaran nen ina to; say mabawag lan pananawag dad sikato “nankasalanan,” “paakar,” “abakbak;” sikato, anggapo met so ngaran to
tan kabat da labat ya “anak nen ina to” ta diad tamoy
na ugali to agda nasisian anak ton may nanpoul, tan
lapo met ed mainomay lantin panduaruaay simpit na
ugali ray indio. Asabin siansay agew a narel si Balat
________
(1) Si Padre Gaspar de S. Agustin sakey a Dominiko ya sinmabi diad Pilipinas nen 1668 tan inatey ed Ibale nen 1724. Sakey yan managsulat tan sakey ed saray gawa ton libro, sakey ya awaran a nipaakar ed impakala ray kakastila ed Pilipinas. Sa balet so nibawabawag a gawa to say sakey a sulat ya angibagaan toy nambabangil a kaugsan day indio ya sikatoyay akasengeg ed impaway ton may salita ya:
- Say babuyan matubotubo
- Ed kawalaan day indio.
Balet ta pinmaway lan lamang a saray indio ya sasalitaen tod sulat to saraman manayay impapaugaw ed saray konbinto tan abong day kakastila.
