Say lobok ya abayag lan panogugipay onman lan bulok,
alukasan tan naokait ya amin a pinmaway so walan
sasakoban to. Tan akaloor ni kaermenan mi so inkiwalan
piga lay taon na manaayam ed sikamin sakey a masiken
ya itetepel ton andi esel so amin ya aliwaliwan kagagawak ya agto kamin balot tinaynan, a patotuloken to labat so lua to ed ontan lan panaglurey dad sikatoy ibiba
to ran manaayam. Agko amta no panoy impakasukay
ton may pikanayonan mi, say kuestion so impatawag to
man a manaayam ed sikamin masiken a mantasi ed okuman ya apasoot ya angipaliwaway katuaan. Saman manayan masiken ya aminpigak ya alimaan a pinairap,
andi arum no ag si ama min dili ya impaugaw kalamor
pian agto ra nasiyanan so pinabli to ran anak. Naandipat so liket mi, abalang so kayamanan mi, abuyak so
pankasal lawari nen agik, tan pinmaliis kami lan sanaama ya tinmaynan kamin inmarawi ed saman a baley
tan linma kamin nanayam ed arawin pasen. Say pannonnunot nen masiken ya akaiba nin akapanoy segsegang
mi, akapatikey na bilay to, balet ta kasakbayay inkaoyos
na linawa to tinongtong tod siak ya amin so maerermen
a linmabas. Diad impatey to, atilak kamid kabukbukoran a sanagi.
“Si agik sinanangis a naynay et anggaman onman lay kapal na kaermenan a nantatabonan a sinmabid sikami, agto alingoanan so aro to. Andi esel, andin tagleey, anengneng toy inaro to ya angasaway sananey, tan nanlapo lad saman banbantayan kon nankalkalnan nanebeng tan asakitan ya anggapoy nagawaan kon balot a manimpey na ermen to. Sakey ya agew naandipat, inanap kod amin a pasen, sinosoysoy kon tinetepet ed amin a napantepetan ko et agko nalmo. Kalabas na anem bulan nangelan ko ya diad saramay agew a panaanap kod sikato, aminsan ya etab, binmaleg a maong so danum na libsong, tan nen inmekat, aromog dad gilig na baybay ed Calamba ya asakdan nisarsar ed tatanemay pagey so bangkay na sakey a biin malanguer ni, ya nalner odino binakal ta wala konoy sondan ya akapanek ed pagew to. Saray makauley ed saman a baley impaipalapag da yan inkagawa ed kaabay iran balbaley ba let ta anggapoy pinmarungtal a nankerew na bangkay, tan anggapo met so akabatan ono nangelan a marikit a
