Si mabaing a Linares mabinbinta ya naguguloy kalakal to. Kapkapangawat toy sulat nen Donya Victo rina ya oniay lugan to:
Pinablik a kapinsan:
Diad loob na taloy agew ilaloan kon nakabatan ed sika no pinatey ka la nen alferez ono apatey mo la, ta agko la labay ya onlabas ni sanagew ya agmo ni naitday panderiaan ton tan ya ayep, tan no onlabas yan plazo et agmo ni abakal, ibagak ed kinen D. Santiago, ya agka nan secretario ed kinen Canobas tan agmo kagalawgalaw tan agmo met kalimoglimog si general D. Arsenio Martinez, insan ibagak met ed Clarita ya puros a tilay imbabaga ed sikaran nipaakar ed sika, tan, agtaka met la itday anggan sakey a kuarta. Et no bakalen mo balet isipan kon iter kod sikan amin so labay mo, kanian amtamla, tan ipasakbay ko met ed sika ya anggapoy akoen kon anggan antotan a baraan.
- Say kapinsan mon maarod sika,
- Victorina de los Reyes de De Espadaña
Sampaloc, lunes a las 7 na labi —
Say asunto aliwan galgalaw. Si Linares kabat ton
peteg so ugali nen Donya Victorina tan agto panduaruaan a gaween toy ibabaga to; anggapoy kakanaay pisalita ed sikato, ta say pangipaliwawad sikatoy dalay katonungan kapara to lay pangipasout na kaptekay panagnunot tan ugali, tan kaabigay inkabangat ed sakey
a carbinero'1’ de Hacienda, no saya et ipasout ton walay kontrabando anta anggapo. Anggapoy kakanaay
________
(1) Say kipapasen day carabinero singa saray policia municipal natan.
