pikakasi; no lokoen met lalon manges; kanian anggapo
lay arum a polaing, kapilitan a bakalen toy alferez.
“Balet, ta panon ey?” kuantod inkasikaton dili ya akarakar a kabukbukoran to; “panon bilang ta pinabaingan to ak, ono pinataboy to ak ey? No say abanaan ko et si asawa to ey? Sakey ni siopa kasi naalak a padrinok?(2) Labay kasi nen kura odino si Kapitan Tiago? Agi! Manges ya oras so indengedengel ko tan impanumbok ko ray simbawa tod siak! Makapaalipanes a bii! Perak met no maminsan, ta siopa ta siri akankuan a manbalegbalegan ak ya inkatoo, mangibulds ak na nambabangil a tilatila tan ankakabaleg a lastog ed pangalak na maong a linawa tan pangalot koy . . ? Anto la kasi ibaga tod siak nimay marikit ay . . ? Natan liknaen kon tuloy so impan sekretariok ed amin day ministro!”
Onia ton mansalsalitad kabukbukoran to nen onsabi pari Salvi. Saya lalo lamet ya inmebeng tan amespesiaw nen say itsura ton gendat, balet ta sansananey so dalang da ray mata to tan say imis to dumaduma.
"Bukbukor yo, Sr. Linares?” kuanton angibano in san amaarap ed indaliyet a pintoy salas a panlalapoay tanol na piano. Pinaspasout so inimis nen Linares.
“?Kawalaan di D. Santiago ey?” kuanton intuloy nen kura.
Nitan met lay Kapitan Tiago, ya nanpinsiw ed kinen pari Salvi, inawat toy sombriro tan baston to nia, ya manimimis a nengneng toy singa sakey ed saray apalabiay aroy Dios.
“Maong, maong!” kuanen kuran linmoob ed salas a tomtumboken nen Linares tan si Kapitan Tiago;” walay marakep a balitan ipakabat kod sikayon amin. Akaawat ak na sulsulat iran nanlapod Ibale ya inabobonan day sulat ya awit met nen Kg. Ibarra, ya inter ed siak kaniantin, D. Santiago, natan anggapo lay makasbel.”
Si Mana Clara ya walad yorongay piano ya pi
negley day duaran amiga to, agto apokpokay impakaalagey toy daiset, balet ta biglan singa alupok so laman
________
(2) Padrino — Sikato yay pananawag ed mangulop ed duaran manbakal ono man-desafion kuan.
