to tan impawil ton inyurong. Pinmesiaw so lupa nen Linares tan ninengneng toy Kapitan Tiago ya saya inosdong to ray mata to.
"Manpalaloy ilelemew na dalak ed saman a tubonbalo,” kuanen kuran intuloy; “Isip ko la wari no makapoy nen kasabisabi to dia tua ta paweg na daiset balet ta kalabas na ipetang na ulo to amta toy mangoyong ya agmo nayarin sakitey Hnawa. No ag labat si pari Damaso .... ” insanto dia nilimgis si Maria Clara ya saya dedenglen ton amin so onlalabas anggaman agto aalisen iray mata to ed samay walad arap ton so nata, anta karut lan karut na maamot ed sikatoy Sinang ed pangibebesngaw to niay liket to ya no bukbukor da komon et nanloksolokso lan nansayawsayaw.
“?Si pari Damaso ?” kuay Linares.
“On, say inbaga nen pari Damaso,” kuanen kuran intuloy ya agto alisen iray mata to ed Maria Clara, “so maniapod ama tod biniag, ag nayarin onabuloy ya balet ta no miperdonaan angankoy Kg. Ibarra, tan agko panduaruaan ya oniay gaween to, nayari lan lamang ya amin.”
Inmalagey si Maria Clara, nanbaraan tan linma lad silir to ya iba toy Victoria.
“No ag perdonaen nen pari Damaso ey?” kuanen Kapitan Tiagon tinepet a makalkalna.
“Satan walalad kinen Maria Clara..... ta anak nen pari Damaso lanti . . . . ed biniag; balet ta isipen kon makapantatalusan ira.”
Diad saya nangel day tanol na akar tan nitan lan linmoob si Ibarra ya tomtumboken nen Tia Isabel. Say insabi to nandurumaay inter ton liknaan ed saray wad man. Inggalang toy mababig si Kapitan Tiago, ya saya agto amtay gaween to kalamor no onimis odino onakis, intewek toy ulo ton andi esel ed kinen Linares. In malagey si pari Salvi tan inawat toy lima ton maararo ed Ibarra; saya agto apokpokay inpatnag ed mata toy inkikelawan to.
“Agyo pankelawan,” kuanen pari Salvi “kadkayarik a tuloy a mangidadayew ed sikayo.”
Akisalamat si Ibarra insan sinmingger ed Sinang.
