“?Iner so nakar mon sanagew?” kuanto nia ya malabilabix’ ngola; “mantetepetan kami insan mi kuan: ‘Iner lamet kasi nakar ton man a kamareruan naaon ed Purgatorio ?' Tan nandurumaay ibabagay sakey tan sakey ed sikami.”
"Nayarin kabaten no anto ray ibabaga yo?”
“Andi ta maamot; paulian mo ta ibagak ed sika no bukbukor ta. Ibagam sirin no iner so nakai’ mo ta piano amtami no siopay akapunta.”
“Ag nayari ta maamot met, balet ta ibagak met ed sika no anggapoy makangel, no yabuloy da ray wadia.”
“Ay, onaa, onaa! Anto sirin ey!” kuanen pari Salvi.
Malikeliket si Sinang ed pikabat tod sakey a maa mot tan inakar toy Ibarra ed sakey a sampot na salas.
“Ni, mayapa,” kuanen Ibarra, “ampetang so ulo nen Maria Clara ed siak?”
“Agko amta, balet ta say ibabaga to so mas maong la kono no ilingoan mo, insan ed satan mannangis. Say labay nen Kapitan Tiago miasawa ed saman a too ay, ontan met nen pari Damaso, sikato balet agto ibagay ni on ni andi. Natay kabuasan labat, nen tetepeten mi no iner so kawalaan mo, insan inggalaw kon ‘Ompano onkakaraw lay sananey?’ kuanko ‘ !Oy la komon!’ kuanton inmebat insan to inyay akis.”
Mabinbintay Ibarra.
“Ibagam ed Maria ta labay kon pisalitaan a bukor.”
“?Bukbukor to?” kuanen Sinang a sinilot toy kirep to insanto sankanengneng.
“Kabukbukoran to, andi met: balet ta say andid tan iman a laki ay.”
“Mairap salo; et agka mapaga ta ibagak ed sikato.”
“?Kapigay pakapikabat koy ebat to ey?”
“Nabuas, lakad man ed abong a masakbay. Ag la bay a balot nen Mariay manbukbukor kanian iibaan mi. Sakey a labi ibaan nen Victoria, diad ontumbok, siak. Turnok nabuas. Maya ka pa, samay maamot ya ibagam balet ey? Onia ka Ian agmo la ibagad siak?”
“!Sian tua! Nanlapoak ed Los Banos a ninengneng ko ray kaniogan diman ta nunot koy mangipaalagey na sakey a pabrika. Nanmoyong kami nen amam.”
