“?Satan labat? Agak ni akanengneng na ontan a klasi yaamot!” kuanen Sinang ya inkasil toy bosis ton singa tonoy managpaabang ya akontaleng; “inisip ko no............. ”
“!Agmo ibabaga! agko yabuloy ya ipalapag mo!
“Anggapo met ingey ganas kon mangibaga!” kuay ebat nen Sinang a sinilot toy eleng to. “No wala komoy kabaliksan to, ibagak ed saray amimigak; et no pansaliw na niog labat! .... niog? Isiopay malabay a ondengel nitay nipaakar ed niog ey?”
Insan masigsiglat ya imanlan inanap to ray amiga to.
Diad nagogonoyan nanpatanir lay Ibarra ta sankanengneng ton manpultot so tungtongan; si Kapitan Tiago anapapseng so lupa to; si Linares ag oneseesel a maniimano, si kura balet ipapatnag ton malikeliket a tungtong a tungtong na nambabangil. Anggapo lay pinmaway ed saramay mamarikit.
