mas baleg, a nayarin nibagan mas nengneng to ni anino
nen samay akaona; sansamet ondadapoy sail ton
manaakar, tan nasisikmat a singa aakmoney dalin, kapag samay inmonan anino et ontonda ya onlingaw.
“!Tutomboken daak!” kuanto nia; “ompano Guar dia Civil? Nantila kasi sakristan mayor?”
“Kuanda ta diay panbabanaan da,” kuanto met a makalkalna may aninon komadua; “mauges angankon kipaakaran ta akin et yaamot dad siak iran may duaran sanagi.”
Akasabin siansiad man ed pintoy kamposanto may akaonan anino, tan inabet da ran may taloran wadman la.
“Wadia kayo?” kuanton may sinmabi.
“?Sikayo met?” kuanda ran may sinabi to.
"Mansisiyan itayo ta walay anumbok ed siak! Nabuas naawat yo ray armas tan diad labi sikatoy iloob tayo. Alagar yoy eyag a ‘iVivay D. Crisdstomo!’ Na tan, lakila!”
Saramay akaona lad man a taloran anino, naandipat ira ed basil na padir. Saman natay kasabi to inmamot dimad sanib na pinto tan nanalagar ya andi esel.
“Nengnengen ko pa no siopay ontotumbok ed siak,” kuanton makalkalna.
Samay komaduan anino sinmabi ya manlilikas a maong, tan tinmondan lingawlingaw ed kaliberliber to.
“!Agko la ra nabot!” kuanton makalkalna; “nayari met balet ya ompawil nira.”
Tan maniapod ginapoan toy uran a tayaketek a nengneng toy mabayag ya ontunda, ninunot toy onsirom ed silong na tarong ton may pinto.
Mapilit lan arumog to may inmamot.
"Ah, siopa kayo?” kuanton tinepet nimay kasabisabi to ed bosis a malakilaki.
“Siopa kayo met ey?” kuanto met nimay sakey ya amagamaga.
Anggapoy inmesel. Sakey tan sakey sasalien ton birbirey kaarap to ed tanol na bosis tan panatakiling na lupa to.
“Antoy aalagden yo dia a?” kuanton may bosis toy malakilaki.
