Impaliis toy pigaran pukepukel ya arumog tod tapew ton may panteon tan inalbur toy sakey ya alas tan sakey a kabayo. Si Elias andi tonda ton mangugurabis.
“Diman ak ed kabayo!” kuanto, tan piano nibiig ginatonan toy sakey a puter na tenten.
JBira!” kuanen Lucas, tan diad komapat ono komaliman goyor to pinmaway so alas.
“Atalo kayo, kuanto, “natan taynan yoak la dia sirin a mananap na bilay ko.”
Andi esel, imanlay Elias a kaarawi toy daiset singa la inakmoy kabilungetan.
Nagogunoyan ed saya tinmogtog so las otso ed reloj na simbaan a bansag met lay intanol na kampana a mangipaamtay animas. Si Lucas balet anggapo met so binagaan ton kasugal, agto met ira tinawag so inaatey ya unong na malimali, no ag ta inekal toy sombriro to, nandasal a meremere insan aminpigan anguros a singa daldalit na pangukuros to anganko met ed samanya oras nimay pangulo na Moyong na Santisimo Rosario.
Sanlabin ag tinmonda may uran a tayaketek. A las nuibi ambilbilunget la ray kalansanganan ya anggapo lay nanengneng a manaakar. Saramay parol a larak ya unong na ganggan et nakaukolan a isabit na kapag akanabong ed paway na dorongawan, makuykuyep so liwawa ra, ya sakey metro labat angankod liberliber so awang na sisindagan da, ya singa ra bilang sinelselan pian nanengneng labat so bilunget. Diad samay lansangan ya asingger ed simbaan, walay duaran guardia civil ya akarakar a mansasabatan maniapod nantopag a sampot.
“!Agay lay betel!” kuanton may sakey ed salitay tagalog et tonoy bisaya balet; “anggapo met ni narel tan sakristan kanian natan anggapoy mangapigei’ na kolongan day manok nen alferez Aderia lara ed impatey to may sakey; nanaaburido ak la dia.”
“Ontan ko met,” kuanton may sakey; “anggapoy mantatakew, anggapo met so mangguguld, panangasi Dios balet, wadia konod baley itay Elias, insan insipan nen alferez a say makarel ed sikato ag nabakbak a taloy bulan.”
“!Aa! Patlep mo ra may tanda to?” kuanton tine pet nimay bisaya.
