“!Onaa! kabaleg, atagey unong ed kinen alferez, kepagleyan unong ed kinen pari Damaso; kolor, kayumanggi; mata, andeket; eleng, kapegleyan; sangi, kapegleyan; balbas, anggapo; buek, andeket......... ”
“!Aa! sara balet so tanda ton bukor a kidumaan ton petepeteg ed arum a too ey?”
“Andeket so aysing to, andeket so sanual to, komikiew.......... ”
“ !Aa! Natan agla makabatik; singak la sankanengneng.”
“Anggano siak; agko nisalat ed sananey anggano kaparpara to ni.”
Tan intuloy day panaakarakar da.
Diad makuykuyep a liwawa da ray parol, nanengneng tayon napaaninagan lamet so duaran anino ya mantumtumbokan a mapalaloy panlilikas da. Akatonda ran atakder nen nangel day makmaksil a "?quien vive?” tan samay akaona inmebat na !Espana!(1) ed bosis a giwgiwan.
Sininkat da ran may sondalo tan ingguyor dan anggad petek na sakey a parol pian nabirbir da. Si Lucas so narel da, balet ta manduarua ramay duaran sondalo tan nannengnengan iran singa ra nantepetan.
“!Ag imbaga nen alferez balet a piglatan!” kuanton may bisayan inmeremere. “Iner so laen mo?” insan to inkuan a tinepet.
“Mangiter ak na misan para nabuas.”
“?Agmo anengneng si Elias?”
“!Agko kabat, sinyor!” kuay ebat nen Lucas.
“!Agko tetepeten no kabat mo, bantiwel! Agmi met kabat; say tetepeten ko no anengneng mo.”
“Andi, sinyor.”
“Dengel mon maong, ta ibagak ed sika ray tanda
to: kabaleg, — no arum atagey, no arum kapegleyan;
buek tan mata, — andeket; saray arum a tanda to, ka
pegleyan lan amin,” kuanton may bisaya. “Kabat mo
la natan?”
_______
(1) Sikatoyay naugalian a tepet tan ebat nen samen no walay patondaen day sondalon manbabantay, lalo la no labi. Say Iquien vive? singa bilang “siopa ka? odino “siopatan?” Tan say pangiebat na “Espana" kabaliksan toy pangibaga ya say toon oneebat et walad silong na pakauley tan matoor ed España.
