“Andi, sinyor” kuanen Lucas a nengneng toy atiweng.
“No ontan sirin, isulung! ayep!” — Insan da la intolak.
“?Amtam no akin et ibaga nen alferez ya atagey si Elias insan ibaga balet nen pari Damason kapegleyan?” kuanton may tagalog a singa mannonunot, ed samay bisaya.
“Andi, akin ey?”
“Onaa ta nen nanengneng nen alferez nikutep ya ed lunek, si kura balet akaalagey nen sikatoy makanengneng.
“!Sian tua!” kuanton may bisaya; “makabat ka . . . . akin et guardia civil labat so asabim ey?”
“Aliwa ak met a onian sipor et; contrabandista(1) ak nen saman,” kuanton may tagalog a singa to ilalastog.
Atalibaga ra ed sakey lamet ya anino; tinepetan da met na quien vive? tan inawit da met ed maliwawa. Say narel da natan si dilin Elias.
“?Iner so laen mo?”
“Aaboten ko, sinyor, so sakey a lakin angabil tan amagiaw ed agik; walay piglat tod lupa tan say ngaran to Elias . . . . ”
“ ?Ha?” kuandan nanbansag iramay duara tan nannengnengan iran ataktakot.
Insan da inkuyat ya amaarap ed simbaan, diman ed pasen ya inarap tan naandipatan nen Lucas.
________
(1) Say manag komersio ya ilimot ton iloob ed bansa so ag yabuloy na Gobiemo odino ilimdt ton iloob pian ag manbayar ed aduana.
