a papateyan da la rayan aral dimad sukong na luyag a
panaayaman da, ya agda met lan lamang nararapat so
pilalek da ran talusan, tan sikara niyay makasengeg na
pakapapaulian da ray sankakanaan tan manepeg komon
ya aralen a salanti bilay tayo tan say inkasikatayon
dili? Nengneng yo ray ugugaw natan ! Napno ray liket
na linawa tan posapos ed pakapangiwandagan day mata ra, tan manaaral iray Historia, Matematicas, Geografia, Literatura, Ciencias Fisicas, Lenguas; nen panaon tayo, masiadoy takut tayon makakangel ed sarayan aaralen, a singa ra bilang sungpa ed Dios. Anggano saraman lay nababalitan bulds a panagnunot nen
malanguerak ni, ipapasen da ni rayan siansian abeban
aral, ya arawi rad kakabatan nen Aristoteles.11’ Asabin
siansiay agew a say too et atalosan toy inkatoo to, ya
tinondaan to lan popoutey utek ton manalos na amin a
nipaakar ed Dios, saray ag nagawat na nunot ton tebeken tan agto ra nanengneng, tan pinaulian to met lay
manggaway panontonan ed saray kakabatan a mangaanyani ed ulo to; atalusan ton siansia ya inter na
Dios ya impatawir ed sikatoy mundo, ya walad lima ton
patuloken. Naksawan kalamor ed sakey a kimey ya
andi kakanaan, anganggan niiter toy pasirayew, tan
inosdong to ray mata to, tan inimano to ray kaiiberliber
to. Nengneng yo ray onggagapon omaanlong tayo. Sa
ray karakpay sansinakoban mankakalkalna ran onbuboskag ed mata tayo tan iimisan da itayoy masamsamit
iran imis a pangiter dad sikatayoy liket tan biskeg na
linawan mankimey. Nanenengneng lay bonga ray ka
kabatan a makanad kaabigay panagbilay, tan say panaon labat so nakaukolan ed ibolaslas dan petepeteg.
Duma lay panbabangat tan pangipapasal ed saray ompapaway natan a balo ran abogado, ya dakel lad saraya
so onleletaw ya onsisindag ed kabilungetan wari ya nanliktob ed saray okuman tayo, ya nabilibili da lay naomanay kurang na panaon. Dengel yoy panagsalsalita
ray tubonbalo, dalaw yo ray pasen a panagbangatan tan
wala laray narengel yon arum iran bibitlaen a ngaran
ed saramay pasen a pakakangelan tayo labat na ngaran
iran Sto. Tomas, Suarez, Amat Shanchez(2) tan arum ni-
_________
(1) Makabat ono pilosopon Griego (taga Grecia) tan sakey ed saray sankakabataan ed mundo.
(2) Mangakabat iraya ya nipaakar ed Dios.
