ra, ya bukor da ra yay gagalangen tan pinabli nen panaon mi. Anggapo lay kakanaay panangisirmon day papari ya nadederal so mundo, ya singa met panangibaga
ran lanang na managlakoy sira ya makurisia tan maagap iray managsaliw, ya agda nanaimanon say tagilako ra et, aderal la, tan anggapo lay kana to! Anggapo
lay kabaliksay panginanatnat day papari na pakauley
da ed pilit dan mangapos na balon bilay ya onkokurang
ed saray binaleybaley; saray dioses a gagalangen onia
lara; saray lamolamot na kiew nayarian dan pakuriten
iray tanaman a manbibilay ed sikato, balet ta agda naerep so bilay ed arum iran pinalsa, ya singa bilang say
manok a makatekiab ya ontagey ed katawenan.”
Si pildsopo mansasalitan maligligsa ya mankidiam iray mata to.
“Sa balet so sinmulming a palakay et maletletey; no amin et onggagalan manepdep, say bolaslas ya agamoran, ya ontan lay bili impanaliw tayo, mainomay a naaposan,” kuanen Don Filipo ya agnin siansia manisia.
“Naaposan? siopay mangapos? say too, ya aliling
toy kotitew ya agmakayari, so mangapos ed Bolaslas
a sankabiskegan ya anak na panaon tan masulong a koli ya ag la napasongsongan ? Kapigan so impakaapos
to? Saray malet a ganggan na Simbaan, saray panagdusa, bitayan tan talaksan, diad getma ran mangamper,
itotoldon da la laingen. E pur si muove(1) kuanen Galileo(2) nen saray paparin dominiko et papasouten dan
mangibaga ya say mundo et ag onggagalaw; sarayan
salita nayari ran nibaga ya nipaakar ed bolaslas na too.
Walaray linawa ya napatulok, wala met laray totoon
napaunong, et anggapoy kabaliksan da ranya: say Bo
laslas ag mangangga, tan diad naibong a dala ray naekalay bilay onsulming iray lalon mabiskeg a simit tan
sibual. iNengneng yo! Say dllin Palapagan anggaman
antoni pilalek ton manpasuner, onkokurang met ya ang
gaman agto gagagalaen. Saray dilin paparin dominiko
mimila met irad kurang na panaon, tan aaligen da ray
paparin Jesuita ya anta kabusol da ran sipor ya ag
_________
(1) Ontan man, onggagalaw: Salita ra ya nen Galileo nen pinasout a babawiyen toy imbaga to ya sumlang ed saray Masantos a Sulsulat, a say mundo et ontetelek.
(2) Sakey ed saray nibantog a makabat ya aliwa labat lan diad baley ton Italia no ag diad sansinakoban.
