a peles na Pilipinas......
On, onggagapo itayo natan
a mitotulot, odino, sikayo ra so onggagapo, ta sikamin
ulop betang mi labin ambilunget, tan onsisipot kami la.
Say mansasangsangan a mantotulot say linmabas la, ya
ontan lay peket ton ag onikban ed nagegeba lan nababagbag ya abangonan ya uley day walad pakayari, tan
say arapen a nanaamingaw lan narerengel so anyeweng
day kansion tod pananalo, ed sindag na ompepelnak a
liwawa ya mangitarok diay Balon Maliket a Pasasabiyen a manlapo rad arum iran bansa
Siopa ra balet
kasi natumban natabonan ed sayan nalusbon geray?
Tinmondan mansasalitay masiken, tan nen naimano toy Don Filipon sankanengneng ton sinonunot, akaimis tan inkuanto:
“Singak la napaparlesan so walad isip yo.”
“?Say tua?”
“Say kuanyo ed nodnunot yo so nayarin nalilingoak,” kuanton akaimis na maerermen, “lalo la ta napepetangak, mainomay koy nalingo: homo sum et nihil
humani a me alienum puto,(1) ya kuanen Terencio;(2) ba
let ta no yabuloy no maminsan so mankugip, akin et
ag mankogip so too na makapaliket ed kaonoran iran
oras na panbilay ey? Sakey ni, kugip met ira labat
so nanbilayan ko. On, walay katonungan yo, kugip
labat pa lagi! Saray tubonbalo tayo, andi arum a pinunot da no ag labat say aroan tan likeliket, a mas lay
igagana ran panaon ed panloko ra tan pangekal day
galang na sakey a marikit nen say ikana ran pannunot
ed kaabigay dalin dan nianakan; saray bibii met dia,
diad pangaasikaso ray abong tan boleg na Dios, napapaulian da lay abong tan boleg dan dili; saray lalakin
taga dia balet a nagnap la rad taon, makoli ra labat
no nipaakar ed marumsis iran gawa, tan mabayani ra
labat ed panagtepel na kababaingan; say nababangonan
day ugugaw say kamangmangan tan panagbilay ya apasakey, saray walad kalangueran dadaraken day sankaabigan ira komon a taon a manbibilay iran anggapoy
totumboken dan makapangiarap ed sikarad marakep a
sabien, tan saray nagnap lad taon, leteyletey iran onkakana ra labat a makaderal ed saray tubonbalo ed
________
(1) Sakeyak a too, tan amin a nipaakar ed katoowan ipapasen kon walay akibibiangan tod siak . . .
(2) Ngaray sakey a balitadon omaanlong.
