- Quidquid latet, adparebit
- Nil inultum remanebit(1)
Mantangtang so kampana ya mangipapakabat na
orasion ed mansilunget, tan kangel ed sayan masantos a
tanol, tinmondan amiy too, inikbanan da ray gagaween
da, tan inekal day sombriro ra: say tomatalon a nanlapod uma pinaer toy pangakansion to, pinatunda toy
marandanet ya akar na dueg a pangabkabayoan to tan
nandasal; saray bibii anguros irad pegley na lansangan
a gaggagalaen dan panggalawey bibii da ta pian ang
gapoy manduaruwa ed kasantosan da; say bulangiro, intonda toy pamopuyok tod lalong to, tan dinasal to met so
Angelus(2) ta pian onabig so kapalaran to; diad kaabongan mandarasal iray totoo ed maksil a bosis; narep
ya ami tanol, tan atilak a bukor labat a narerengel so
Avemaria.....
Si kura balet nansombriro ya batikbatikan a manaakar ed lansangan ed baleg a kelaw day akukolaw; tan,
lalon pankelawan dan tuay yaarap tod abong nen alferez. Saramay mararasal a bibii inisip dan manepeg da
lan itunday panggalaw na bibii da, ta say panpinsiw
dad kinen kura, et si pari Salvi agtora inasikaso. Sayan
labi anggapoy liket ton mangidonsol na mapukel a lima
to ed makristianon eleng, a maniapod man et ipakaroskos ton ag ipalikas (unong na naimano nen Donya Consolacidn) ed pagew na sakey a mangangganan marikit
ya ontewek a pabendisionan. Mapatpatnag a makabaliksan a pamaakaran so :makagogulod kanunotan to ya
________
(1) Amin a maamot ompaway' a nipaamta. Anggapoy natilak ya agnadusa.
(2) Dasal na mansilunget.
