makapangipalingoan ed sikatoy kaabigan ton dili tan
kaabigan met na Simbaan !
Masigsiglat a sinmegep ed takayan tan mapalatopot so patok tod pinto, a singa ag makaalagar, inabet nen alferez ya akakuliseng, tan tomtumboken nen asawa ton akangisael.
“Ah, pari kura! Onlaak lawarid man ed sikayo ta samay kanding yon bulog.....”
“Walay sankamakabaliksan a pamaakaran....”
“Agko yabuloy a deralen dan lanang so koral ko.....talagan paltogen ko no ompawil ni !1”
“No nabibilay kayo nin anggad nabuas! kuanen kura ya mandongap tan amaarap ed salas.
“?Anto? Say isip yo sirin napatey toak nimay leteyletey a inanak ya ag asabi ay? Maminsay depak ko ag alukot!”
Akasuner si pari Salvi ya agto apokpokay inlimggis tod sali nen alferez.
“?Siopay sasalitaen yo?” kuan ton tinepet a manggiwgiw.
“Siopa ni arum ey no ag samay bantiwel a labay toak a bakalen a manpaltogan kami konon manarawiyan kami sanlasus a kondang ey?”
“Ah!” kuanen kuran akalinawa, tan intuloy to:
"Linmaak dian walay salitaen kod sikayon ag nipamayan pamaakaran.”
“!Labat pa latay makabaliksan yon pamaakaran! Singa saman lamet angankoy agawa ed saramay duaran ugugaw!”
No say silew komon et aliwan larak insan aliwa lan onmay dingot ton may globo amuria nen alferez komon so posisaw na lupa nen kura.
“Saya natan nipaakar ed kaatapay bilay tayon amin!” kuanto nian makalkalna.
“!Kaatapan!” kuanen alferez ya inoman, a pinmoti lupa to; “?akin maong a mamaltog iman a tubonbalo......?”
“!Aliwan sikatoy sasalitaen ko!”
“?Anto sirin ey?”
Intoro nen pari may pinto tan indepak nen alferez ya inkapot, unong na panangikapot to. Diad sikato
