sulok iray lima, tan anggapo pa lagi napirde to no man
maliw ya apatiray sali(1) Nangel so eyag tan ayew a
nanlapod man ed biek na kapot.
“!Ayep! pinisag moy muling ko!” kuanen asawa ton maningal.
“Natan, ibaga yon ami labay yo !” kuantod kura ya amagamaga.
Ninengneng to nian abaybayag; insan to tinepet ed samay tanol na bosis na mansisirmon ya anges tan apasakey:
“?Anengneng yoy itsurak ya inmarap dia ya manbagtik?’’
“ !Onaa! Inisip ko la no aderal so eges yo!”
“Nepeg yon amtaen,” kuanen kura ya pinalabas to lay kabastosan nen alferez; “ta no ontan lay ikulang kod nabebetangan ko, mapatnag a walaray ambelat a makasengeg. ”
“Tan, antoni arum ey?” kuan ton tinepet nimay sakey a bansag na inkarag to.
“!Mandeen kayo labat!”
"No ontan, anto Iatan sirin so siglat yon linma dia ey?”
Sinmingger si kura tan tinepet ton singa maamoamot:
"?Anggapoy — nangelan — yon — balot?”
Sinintak nen alferez so takeb to.
“Akoen yo sirin ya anggapon balobalot so amta yo.”
“Say labay yon ibaga si Elias ya inamot nen sakristan mayor yo kalabian?” kuanton tinepet.
“Andi, aliwan saratay labay kon salitaen,” kuay ebat nen kuran inmalipanes; "say labay kon ibaga sakey a balbaleg a kaatapan.’’
“!No ontan, p. . . . ! Akin et agyo nibaga ey?”
“Alagar kayo!” kuanen pari ya matantantan tan ag mangitaltalek; “nanengneng yo lamet natan so inkamakabaliksan tan kakanaan min papari; say sankaonoran ya oldog kapara toy sakey a regimiento; kanian say sakey a kura.......... ”
Insanto inkalkalnay bosis to ya imbagan napnoy
misterio:
________
(1) Say labay ton ibaga nia so manmaliw ya ayep.
