“!Walay asukayan kon balbaleg a nunong!”
Linmoksoy alferez tan ninengneng toy kura ed baleg ya inkikelawan to.
“Sakey a makapataktakot tan maong ya inkiparaan a nunong ya onterak ed sayan labi!”
"!Sayan labi!” kuanen alferez a tinakbaan to lawari kura; insan batik ya inala toy paltog tan kampilan to ran akasabit ed dingding.
“?Siopay erelen ko?” siopay erelen ko?’’ kuan ton maningal.
"!Mandeen kayo labat, ta masulosulok met ni tiempo tan linmaak dian tampol, agak nandarak na oras; anggad las otso ...”
“!Paltogen ko ran amin!’’
“Dengel yoak! Sayan ngarem, sakey a bii ya agko aibagay ngaran to (ta sakey yan sikritoy konpision) sinmingger ed siak a nankonpisar tan impaliwawa ton amin. A las otso looban dan biglaan so kuartel a sam samen, ibansag da met a looban so konbinto ya takewan, samsamen day falua(1) ray sondalo tan pateyen da itayon amin a kakastila.”
Amangay alferez.
“Sikato tan labat so imbaga tod siak nimay bii,” kuanen kura.
“Anggapo lay imbaga ton arum? No ontan, erelen ko!”
“Agko nayarin abuloyan itan: amta yon petepeteg a say panagkonpisalan aiding toy tronoy Dios a sankamapangasian.”
"!Anggapo tay makasbel a Dios tan panangasi!” Erelen ko!
“!Anggapo, no ontay panagnunot yo ! Say mane
peg a gaween yo, manparaan; agkayo labat oneseesel, itdan yo ray armas so sondalo, insan yo ra idatak a samay suston sabaten tan liktoben da ray onloob a mamigla; itdan yoak met na apatiran manbantay ed konbinto, tan pakabatan yo ray sondalo ya mangikokurang na sakayan.”
_______
“!Andi diay falua! Kanian onkerewak na tulong ed arum iran pasen.”
(1) Falua — Sakayan ya ikakanaray sondalo ya panpatrulya.
