"Aleg a, ta nalikas da, agdala ituloy so kanunotan dan gaween. Say takpanen ditan say pakarel tayo ed sikara ya mabilay ta insan tayo papawayen ed sikaran amin so nakaukolan tayon amtaen, ay nalilingoak .... sikayo manayay mamapaway, ta siak nisesengeg ed inkaparik ag manepeg a mibiyangak ed sarayan pamaakaran. Asikaso yo balet, ta no naasirta yo, masulosulok yan itagey yod betang a pakalaan yo ray kurokuros tan bitbitewen;0’ say kerewen ko labat so nikurit met a siak so amasakbay ed sikayo.”
“Ilaloan yo, Padre, ilaloan yo tan nayari met a pa kalaan yoy mitra !”(2) kuanen alferez a malikeliket tan sankanengneng toy punios na taklay na uniforme to.
“ lAgyoak sirin lilingoanan ya ibakiay apatiran guardia ya ag nanuniforme, ah? Insan manalwar kayon maong, agkayo palilikas! Amta yo la sayan labi onoray kurokuros tan bitbitewen.”
Legan to nian nagagawa walay sakey a lakin manbagtik dimad dalan a mamaarap ed abong nen Crisostomo tan kasabi to sinmegep a masigsiglat.
"?Wadiay katawan yo?” kuay bosis nen Elias ed samay inmabet ya igaganggan.
“Wadman iran mankikimey ed silir a panagbasaan da.”
Si Ibarra nananap na gaween tod man ed kimeyan to ya pangitataligaygay toy posapos to ed panaalagar toy oras a pakapipalinewan tod kinen Maria Clara.
“?Ah, wadia kayo, Elias?” kuanto; “sikayoy walad nunot ko; alingoanan kon tinepet ed sikayo karoman no siopay ngaran ton may kastilan nanayaman nen laki yo.”
“Aliwan nipaakar, sinyor, ed siak.....”
“Nengneng yo paya ay,” kuanen Ibarran intuloy
ya agto naasikasoy kagugulo nen Elias, tan insingger
toy sakey pirason kawayan ed samay apuy;” nengneng
yo pay apapaway ko; sayan kawayan ay ag ondangat.....”
________
(1) Saray kuros tan bitewen sikaray pakapatnagay atagey a betang ed saray militar. Kanian say labay met nen pari Salvi ya ibaga so no naasirta nen alferez so gaween to, ontagey met so betang to.
(2) Sombriroy obispo. Say labay ton ibaga sirin so nayarin gaween day pari Salvi ya obispo.
