“On,” kuanen Ibarra ya agto nanaasikaso; “pinatikeyan mi apilyido mi ta andukedukey.”
“?Vascongado ra?(1) inolit lamet nen Elias a sinmingger.
“On, Vascongado; akin, antoy agawa yo?” kuanton mankelaw.
Inelet nen Elias so poniti to ya impapeg ed muling to, tan ninengneng toy Crisdstomo, ya saya akasuner nen atalusan toy akapinta ed lupa nen Elias.
“?Amta yo no siopay D. Pedro Eibarramendfa?” kuan ton manngayet. “Sikato may toon marumsis a pinalsaan toy lakik tan akasengeg na amin a segsegang mi Abayag lan aanapen koy apilyido to, tan say Dios so angitonton ed siak! Ebatan yo natan ed siak so amin iray sinmabid sikamin segsegang!”
Ag akagalaw si Crisdstomo ya sankatereg ton ataktakot; si Elias balet sininkat tod taklay a niyogayog insan to inkuan ed bosis ton ampaipait a panleluagay pankabusol:
“Nengneng yoak a maong, imano yo no kasi ta nanirapak .... sikayo balet manbibilay kayo, mangaaro kayo, walay kayamanan yo, walay abong yo, seselengen kayoy totoo, manbibilay kayo
- manbibilay
kayo!”
Tan diad inkakuliteptepan to, batik ed kawalaay akomkumpog iran armas, et kapamagot toy duaran punyal, inikbanan to ran impelag, tan ninengneng ton singa ambangel si Ibarra ya agniya ginmalaw.
Antoy gaween ko wari?” kuan ton inmeremere tan
batik lan tinmaynan ed abong.
________
(1) Taga sakey ed saray luyag na Espana ya Alava, Guipazcoa ono Vizcaya. Saray taga sarayan luyag balitado ran mabiskeg.
