Diman ed pananganan mamandem ira di Kapitan Tiago, Linares tan si Tia Isabel, tan sankarengel so kalatakat na lipong tan kubiertos ya anggad man ed salas. Inbaga nen Maria Ciaran anggapoy ganas ton mangan, tan inyorong tod pianon manotugtog; kaabay toy Sinang, tan saya opit lan dpit ed sikato, legan nen pari Salvin mamaspasiar ya ag makareen ed biek na salas.
Aliwan say ag narasan imay kabangbangon to, andi; no ag say walay tatalaranan ton too, tan sinambotoy oras ya ag akaarap so Argos(1) to: say oras a panamandem nen Linares.
"Nengneng mo, satay anyani ay ag itan onalis ya anggad a las otso,” kuay Sinang ya inesaes, ya intoro toy kura; "a las otso nimet so isabi to dia. Satan ay nanaibegan to ka met a singa si Linares.”
Si Maria Clara ninengneng ton napnoy takut si Si nang. Saya balet agto naimanoy inkataktakot nen amiga to tan intuloy ton inkuan ta malabilabir lanti:
“Ah! Amtak la no akin et ag onalis anggan pasikiak lan pasiki: agto labay so manggastos na silew ed konbinto! Amtam? nanlapod inkasakitan mo, saramay duaran lamparaan tod konbinto, aglara lamet seselselan Agi! nengneng mo pa labat iray mata to tan lupa to!”
Diad saman tinmogtog so a las otso ed samay reloj ed abong. Akigtot si kura tan linman inyurong to ed sakey a sukong.
“!Nitanla!” kuanen Sinang a kinarut toy Maria
Clara; “nangel mo?”
________
(1) Diad pananisia ray Griego (taga Grecia) sakey yan principe ya sanlasus so mata to, kanian no walay maong a manbantay odino mansiim, papangaranay "Argos.”
— 471 —
