Tinmanol so kampanad simbaan a mangipakabat na animas tan inmalagey iran amin a mandasal. Inkorus nen pari Salvi ya bosis toy makalkalna tan giwgiwan, et maniapod sakey tan sakey ed saramay wadman et walay dilin nonnunoten to, agda naimano.
Kasumpal a tuloy na dasal, nitanlay Ibarra, ya aliwa labat lan baliwan so kawes to no agta ontan lay mapalalon ermey lupa to ya ag apokpokan nen Maria Clara so impakaalagey ton impakakurang, a dagoen to la wa rin tepeten no antoy agawa to, et biglan nangel so mapalakapak ya akamayamay a paltog. Atakder si Ibarra, manligab iray mata to ya ag makasalita. Si kura batik a sinmanib ed beneg na sakey a lusek. Nangel lamet so mapalakapak iran paltog tan mankilalbong ed bandad konbinto, eyag, tan totoo ran manbagtik. Nitan laran nantotumbokan a linmoob di Kapitan Tiago, TiaIsabel tan si Linares a “tulisan,tulisan !” kuandan maningal, tan manomtumbok met si Andeng a sankawaswas toy turok a balatyang, tan batik ed kinen Maria Clara.
Tinmalimokor si Tia Isabel a mannangis tan mandarasal na "kyrie eleyson”; si Kapitan Tiago, ya ampotipoti lupa to tan manggiwgiw, sankaawit toy altey na manok a tinorok na tenedor ya idederew ton mannangis ed Virgin na Antipolo; si Sinang tan si Maria Clara nanlakapan ira, bukor nen Crisostomo so ag akagalaw a singa nanmaliw a batd, ya pesiaw na lupa. toy ag nabaliksanan.
Say ingal tan tanol ag ira mangongpang, mankilalkab iray dorongawan ya ikakapot, manbabanlangan so pasiot, tan tanol na paltog nin tonggal paminsan.
“Christe eleyson! Santiago ontdtoor iray inpasakbay nen ona .... Ikaput mo ray dorongawan!” kuanen Tia Isabel a managlem.
“JLimamplon bomban ankabaleg tan duaran misa de gracia,” kuay ebat nen Kapitan Tiago; “ !Ora pro nobis!’’
Nankalkalnan pinwamil so lalon makapataktakot a keneng..... insan biglan nangel so bosis nen alferez a manbagtik a maningal:
“!Parikura! Pari Salvi! Galila!”
“! Miserere! Labay nen alferez so mankonpisar! ” kuanen Tia Isabel a maningal.
