Tinipon to met ya inalan amin so alajas, inepas toy ritrato nen Maria Clara ya akasabit, tan angala met na
sakey a daga, duaran revolver, insan amaarap ed sakey
ya aparador a kawalaan day nambabangil iran kagkagawaan a balatyang.
Diad saman nangel so amitlon makmaksil a toktok dimad pinto.
“ ?Siopa tan?” kuanton tinepet ed bosis ya araldalem.
“!Lukasan yod ngaray Ari, lukasan yon tampol, no andi itomba mi kaput!” kuay matangas a bosis ya inmebat ed salitay kastila.
Linmingaw si Ibarra ed dorongawan; kinmidiam iray matci to tan inkasa toy revolver to; balet nansalat na kanunotan, inggaton to ramay armas, in san sikaton dili linman nanlukas na pinto ya nitan met laray manaayam ed sikato.
Sininkat a tampol na taloran guardia.
“!Diad ngaray Ari, piriso kayo !” kuanen sargento.
“?Akin ey?”
“Diman da la ibagad sikayo ta sebel ed sikami mangibaga.’’
Nanumameng ya agand, tan maniapod agto labay a nasukayan da ran may sondalo so panparaan ton ombatik, dinemet toy sakey a sombriro to ya nankuan:
"Walaak ed disposision yo. Magano met labat anganko.”
“No isipan yon agkayo ombatik, agmi kayo baloren; inabuloy nen alferez ed sikayo yan panangasi; et no ombatik kayo.......... ’’
Akilad sikaray Ibarra ya sinipotan toran agulo ra may igaganggan to.
Legan dara nia, anto la balet so agawa nen Elias ey?
Kaakseb tod abong nen Crisostomo, manbagtik a singa ambangel ya agto amtay aarapen to. Binatak to ray kaumaan, tan asabi toy katakelan a manggiwgiw; ibabatikan toy poblacion, ibabatikan toy liwawa, pati samay bulan nanmaliw a kaalipanes to, tan inmutel di mad ambilbilunget a sirum day kakiyewan. Wadman ya no arum mantonda no arum ligawligaw ed matalag iran nagagatinan a basbas na dalan, a peketpeket ed sa-
