ililinawan dagem, onsasabi rad sikaton malinlinew so
mapalotupot a tanol day paltog. Tinmonda, nanumameng, naimano to ya walad danum; mareereen imay dayat tan sankanengneng to niran anggad man ed kawalaanto so silew day alulong da ran may sumisigay.
Pinmawil ed sakbit tan amaarap ed baley a sika ton dfli agto amta no akin. Singa ataynan so poblasion; anggapoy tood kalansanganan; akakaput iray kaabongan, pati saray dilin ayep, saray aso ya naugaliyan day mandangol na labi, sinmosupok iran mapalaloy takot. Say amusiak a sinag na bulan, makapapano ni onman Jan kaermenan tan kabukbukoran.
Lapod mapagpagan naabet to ray guardia civil, sinmosurobsurob a dinmadalan ed saray tanamanan a diad sakey ed saraya singa apaaninagan toy duaran katao; balet ta ag tinmonda, nilolokso to ray korakoral tan padipadir anggad impakasabi ton mairirap ed basil na poblasion tan amaarap ed abong nen Crisdstomo. Asabi to rad man ed pintoy igaganggan a kukutengtengen da tan pannangnangisan day inkaerel nen katawan da.
Nen kaamta toy agawa, tinmaynan lan singa la inmarawi, balet sinmaliberber, nilokso to may padir, ki nalab toy dorongawan tan tinmobong dimad silir ya aralan tan panagbasaan nen Ibarra ya wadman nin asabi ton mandarlang imay kandilan atilak to nia.
Anengneng to ray papipapil tan liblibron nanlalaok: arumog to met iramay armas, tan saramay sakon nankargay pilak tan alajas. Tinogiop tod kanunotan toy agawad man, tan maniapod sankanengneng toy alosbori papipapil a nayarin makapauges ono makadetdet ed kinen Ibarra, ninunot to ran kelkelen ya ipelag dimad do rongawan insan to ra ikotkut.
Linmingaw dimad tanamanan, tan anengneng tod sinag na bulan so duaran guardia civil a manesiab iray sombriro tan bayoneta ra, ya walay ibara tan mamapaarap irad man. Nandecidin tamtampol: impanbobontonan to ra may kawekawes tan papipapil dimad pegley na silir, kinalboan toy sakey a lamparaan a petroleo insan to sininitan. Imbalkes ton masigsiglat iramay armas, anengneng toy ritrato nen Maria Clara, nanduaruan agand .... inlugan tod sakey ed saramay sako, insan la
tinmaboy ed dorongawan ya awit to ran dua.
