This page has been validated.
Saman a lábi, nen insulat ton may tubonbálon singa buek na mais so buek to, so mantumbok a tekap na gagaween ton libro ya manngaray "Estudios Coloniales," (1) wala yan inian to: "No panoy pakaderal day sayaksak na sakey a pista so beklew tan payak na manok ed lipong na tinola na sakey a pári." Tan sakey ed saray inkurit ton naimano to so onia: "Diad Pilipinas say sanka andi kakanaan a too ed sakey a pandem onó pista say dílin akanabong ya angiter. Anggano pataboyen dani, matintinunos ya amin ya anggapoy nagansal. Unong ed peles a kipapasen diad Pilipinas, sakey lawarin panangasi so ag pamapaway ed saray pilipino ed báley da, tan ag pangibangat ed sikaran mambasa."
(1) Saray Nanenengneng ed Bansa ran Uuleyan.
