“!Jesus! singa misa de gracia ya mapalakapak so koitis!” kuanen Hermana Rufa.
“Nanlapod samay inloob nen Balat ed baley ya impantakew, agak ni akapalabas na singa kalabian,” kuay ebat nen Hermana Pute.
"!Anto la man a paltogan! kuanda ta totoo ra nen Masiken Pablo.”
“?Tutulisan? !Ag nayari! Say kuanda ta saray cuadrillero nilabanan da ray guardia civil. Kaniantin natan pirisoy Don Filipo.”
“Sanctus Deus!"’ kuanda ta karagdaisetan la tay labinapat ya matey.’’
Nantotumbokan met laran linmukas so arum iran dorongawan, dimnodonglaw iray nambabangil a lupa, nanbabanoan ira tan ginapoan day nantotuntong.
Diad manliliwawan kabuasan a pakanengnengay abig na onggapon agew, nabantag da ra ed arawi so sondalo ran onarap, ompawil a maguloguld, ya singa ra labat aninon kolor na dapol.
“Niman lamet so sakey ya inatey!” kuay sakey ed saramay manantandag.
“?Sakey? duaray nanenengneng ko!”
"Siak met.......amta yo ta no antoy agawa?” kuay sakey a laki ya lupay tuso.
“!Onaa! Saray cuadrillero. ”
“!Andi! Inmalsa ra ed kuartel.”
“?Anto tay ibabaga yon inmalsa? Linmaban si kura ed kinen alferez!”
"Andi, aliwan satan,” kuanton may laki ya inmonan anepet; “saray intsik so inmalsa.” Insanto la inkaput so dorongawan to.
“!Saray intsik!” kuandan amin a mapalaloy kelaw da.
"Kanianti manayan anggapoy nanengneng a ni sa key ed sikara natan!”
"!Inatey la ra angankon amin!”
“Kuanko la ta walay gagaem dan gawaen a mauges. Karoman..........”
________
(1) Masantos so Dios.
