“Ontan ko met, singak la sankanengneng. Kalabian............ ”
“!Agi, agayla!” kuanen Hermana Rufa; “ompatey iran amin kasakbayay Pasko anta panangiter day rigalo Inalagar da met la komoy balon taon a......... ”
Nankalkalnan sinmayaksak imay lansangan: inggapo ray aso, nganak, baboy tan malapati so pinmapaway ya akarakar, insan manomtumbok met la ray ugugaw a lalaki ya marindingot tan apilpilat so kawes da, ya nantatabin iran amaarap a nankalkalnan sinmingger dimad kuartel; nitan met la ray pigaran akokulaw ya akapandong na panyo ya insiknol dad silong na baba ra, tan sankabenbenan day ankakabaleg a balsakan a singa ra mandadasal, ta pian saramay sondalo et palabasen da ran ag tinggaen. Nen anengneng a nayari manayay manakarakar ya ag napaltog, ginapoan da met la ray lalaki so pinmaway ya impatnag day singa anggapo labat so walad sikara; nen gapd, wadman ira labat ya akarakar ed arap na kaabongan da ya manpupuyok na manok a ibubulang; nagdgonoyan, sinalsali ray inmarawi ya mantondatonda ran manaakar, tan ontan dan anggad impakasabi rad arap na tribunal.
Kalabas na labinliman minuto nambabangil lay onkokurang a balita. Walay mangibaga ya si Ibarra ya iba to ray ugugaw to, labay ton ibatik si Maria Clara, et inlaban nen Kapitan Tiago ya inibaan day guardia civil. Aliwa labat lan labinapat so bilang na inatey, asabi to lay talomplo; si Kapitan Tiago sugatan tan onpikal ed saman ya agew ya onlad Ibale ya iba to ray bo leg to.
Say insabi duaran cuadrillero ya walay awit dan bangkay ya inlugan ed camilia tan tomtumboken iray sakey a guardia civil, balbaleg so ginawa ton kutengteng. Akabatan dan nanlapod konbinto; diad itsuray sali to ran managagoy kuay sakey a pinarlesan ta na yari angankon si ontan a too; nagogonoyan a tuloy pinetek da lan sikato; kasanlilikna ed saya, aparakel da la may inatey a ginawa ray misterio na Santisima Trini dad/0 tan kasumsumpalan to ginawa ran pinidua may
________
(1) Say Santisima Trinidad lanti saksakey a Dios tan taloran personas, kanian say labay ya ibaga dia so samay sakey ya inatey apanmaliw da lan talora.
