milagro na tinapay tan sira(1) tan say asumpalay inatey talomplo tan walo.
A las siete y media na kabuasan, nen sinmabi ray guardia civil a nanlapod kabkaabay iran baley, say onkokurang a panotungtong day ingakawa malinlinew a singa anengneng na dilin mata ra ya nanbulong la tan nansanga.
“Kapkapanlapok ed tribunal tan wadman iran anengneng kon aperiso di Don Filipo tan si D. Crisdstomo,” kuay sakey a laki ed kinen Hermana Pute, “akisalitaak ed sakey ed saramay cuadrilleron manbabantay. Si Bruno manaya, samay anak ton may inatey ed pekpek, inpatua ton amin kalabian. Unong na amta yo la si Kapitan Tiago pipiasawaen toy anak to ed samay tubonbalon kastila; si D. Crisostomo ta ampetang so ulo to, labay toy ombales tan labay to ran pateyen ya amin so kakastila ya pati si kura; kalabian nilooban day kuartel tan konbinto; maong ingen ta diad sankabalgan a panangasi Dios, si kura walad abong nen Kapi tan Tiago. Kuanda ta akamayamay so akabatik. Sa ray guardia civil pinoulan day abong nen D. Crisostomo ya maong labat ta inerel da la yan akaona ta no andi, pinoulan da met.”
"?Pinoulan day abong to?”
“Amin iray manaayam ed sikato imperiso da ra. iNengneng yo, sankanengneng nin angga diay asewek!” kuanton may manotungtong a sinmingger ed dorongawan; “saray manlalapod saman a banda makaparpaermen so tungtong da.”
Amin iray wadman inmarap irad man ed itoturd ton pasen tan anengneng dan tuay asewek a singa bi lang lusek a manpapatagey a matantantan a mamapaarap ed tawen. Sakey tan sakey agsi bagay walad nunot to, ya wala laray mangaabagey tan wala met larad tay manedetdet ed Ibarra.
________
(1) Nen mabilay nin manaakarakar a manpupulong si Katawan tin Jesucristo diad tapew na dalin, diad aminsan ya impanpulong to, tinumbok na mapalet a totoo ya bilang da angankoy talonlibo, tan agda alisan ya angga la rad komtatlon agew ya ondedengel na saray ibabangat to. Kaskasian to laran narasan tan amaanap ed saray discipulos to na nipakan ed sikara ya panimpey day eras da. Arumog da ran may imbaki to so sakey ya ugaw a walay tagilako ton pitoran sira tan pitora met a tinapay. Sikarayay benindicionan na Katawan insan to a impaibonog ed saramay katoowan, ya angan irayan amin a nanpesepesel. Et alay makapakelaw ya agawa, ta nen ayari la ran amin ya angan, ag onopot so sininop dan kera ed labinduan ankabaleg a balolang. Kanian say labay nen Rizal ya ibaga ed impangalamit to nia, so sa
ramay manukutengteng aparakel da lan maong so bilang day inaatey.
