“?Anto tay nenengnengen mo?” kuay tepet nen directorcillo.
“Nenengnengen ko sinyor, agla piga no nabirbir ko,” kuanton inmeremere, ya konwarin itatagey toy takoko ton singa bilang mangigalang et anta lalon impalosor tod arap ya insanib ed lupa to.
“?Akin agmo nangel a say ngaran to et Lucas? Naugip ka sirin?”
Elek da ran may wadman. Samay taga uma, abaingan, nanmeremerey pigaran salita, insan inmarawi lan osdong a matantantan.
“ !Oy! iner so laen mo ey?” kuay sakey a masiken ya iningalan to; “aliwan ditay papawayan; satan a dalan onarap ed abong to niay inatey!”
.Ay, naugip ni tay too!” kuanen directorcillo ya napnoy balaw; “nakaukolan a kalbuay danum.”
Inian da lamet so elek; tinmaynan la may taga uma ed saman a pasen ya abalawan toy pinaspasia, tan amaarap ed simbaan. Dimad sakristia tinepet toy kawalaan nen sakristan mayor.
"!Naugip ni!” kuandan iningalan; “agyo amta si rin a nilooban dan tinakeway konbinto kalabian?”
"Alagaren ko lan nabangon.”
Ninengneng da ran may sakristan a singa ra mamaong ya ag mangitaltalek, a maparanay yan asal day totoon pasal day tatratoen na aliwaliwa, tan mabetbet a napapabaingan.
Dimad sakey a sukong ya ambilbilunget, wadman naugip imay sakristan mayor a bulding ed sakey a yorongan ya andukey; akagaton ed muling toy salming to ya. asaksakbongan ed arum a pasen na buek ton andu key; say pagew ton mapmaimpis tan katagtaglang akapaway a sankanengneng a mapatpatnag so kalilinawa ton marandanet.
Inyurong nen taga umad man ed abay a sipaparaan a manalagar, naplag to balet so kuarta to, ya tinmolin, kanian inmalagey ya anapen to, tan anelsel na kandila ya tatakilingen tod man ed silong na yurongan non sakristan mayor. Naimano met nen taga uma ya napnoy sisipot so pantalon tan taklay na aysing nen sakristan a naugip, a sustosuston abangon met lad sa
man, nilirlir to may mata ton saksakey, insan to pamapasnokan imay taga uma.
