This page has been validated.
“!Labay ko komoy mangiter na misa, mama!” kuanto nia ya singa pangipaliwawa toy inkiwala tod man.
"Asumpal laran ami misa,” kuanen bulding a pinasamit toy daiset so tonoy bosis to; "no labay mo nabuas
.....inunot ed saray kakamarerua ed Purgatorio?”
“Andi, mama,” kuanen taga uma a bansag na impangiderew toy pisos.
Sineleng tod man ed alenleneg a mata to, tan inkuanton intuloy:
“Inunot ed sakey a too ya magano lan ompatey.” — Insan la tinmaynan.
"! Narel ko komon kalabian!” kuanton inngeswa ya bansag na impangekal ton may patsi ed beklew to
tan impametek toy alagey to ya anengneng a si Elias.
