- Mi gozo un pozo(2)
Mamaspasiar iray guardia civil a makapakebiew so nengneng da ed arap na pintoy tribunal a benbenbenan day pusil a papagiawen da ra may matalek ya ugugaw a mankulandit odino mantotoonan ira ta piano makagawat iran mantakiling dimad rejas tan nanengneng day nagagawad mad loob.
Samay salas anggapo la may masaysayaksak a kanengnengan to ed samay agew ya impansisingbat nisesengeg ed pangipaparaay palatontonan ed pistay baley;
natan ambilbilunget a makapataktakut. Saray guardia
civil tan cuadrillero ya wadman, ag ira oneseesel, tan no
onsalita ra, makalkalna ya sansansakey; si directorcillo ya iba toy duaran eskribiente, tan pigaran sondalo,
akayurong iran nanaarapan dimad lamisaan a mansusulat tan mangouksoy na papipapil; si alferez ma
maspasiar ed biek tan biek a lingawlingawen ton makatanagel so kanenengneng tod samay pinto; sankapatnagan ed galagalaw to so katagey na pangipapasenan
tod inkasikaton dili, ya lalo ni nanengneng a kindn tan
pasirayew to nen si Temistocles(3) dimad Juegos Olimpicos(4) nen kayari bakal na Salamina(5) Wadman met
_________
(1) “Pangaskasiyan iray atalo.”Salita ra ya nen Breno ed saray ro manos (taga Roma) nen inmona ni ran panaon, balet ta anggad natan ya civilizacion, nanonunotan tan nibabaga nira, manlapod say katuaan da et ag nanaoman. Nen inmonan panaona may natan, say alenleneg a pankatonungan say pankatonungan na mabiskeg.
(2) “Amin a liket ko nikasnong ed bobon.”’ Say labay to nian ibaga so naapan amin so ilalo.
(3) Nibantog a General tan makabat a politiko ya taga Atenas, Grecia, ya nanbilay nen taon iran 535-470 kasakbayay inkianak nen Jesucristo. Tinalo to ray persas (taga Persia) ed pasen na Salamina, ya sankabalgan yan inpanato lo to.
(4) Saray griegos (taga Grecia) nen inmona ran panaon ya abayag ni kasakbayay inkianak nen Jesucristo, anigsisia ra ed akamayamay iran Dios tan say inisip dan ayaman da ra nia diad palandey na Olimpo ya walad nanlaetay Macedonia tan Tesalia. Kapag apat taon diman da ipaway iray mararakep iran galaw a tatawagen tayo natay “National Games” odino “Interna tional Games” a pepegdaten iran nenengnengen na mapalet a totoo. Say pananawag da ra nian galaw nen saman “Juegos Olimpicos.”
(5) Sakey a Polo (isla) ed golfo na Atenas, Grecia.
