Manduarúay Ibarra. Say dagem na lábi ya diad saraman a bulan et ambetebetel a balibali kasisiplog tod Ibále singa to inpalir so daiset a lurem ya akapabilunget ed muling to. Inekal toy sombriro to tan linminawa.
Manlabás iray luganan ya aliling day kirmat ed pelés, ontan da met na kalisan oupaan a kurang da balet so manpatpatey, tan akamayamay met so manaakar a totoo rad nambabangil a bansá. Diad akar ton aliwan matinunos a singa kurang na toon walay nonunoten to odinó manpapalabas labat na tiempo, amaarap ed Binondo ya lingawlingaw ed biek tan biek, a singa kaliktan toy manbirbir. Sikaraman lanlamang a lansangan, saraman a kaabongan a pinipintaay ampotí tan inanágan tan padipadir a pinapoti odinó pinintaan ya inalig ed kolor na batón granito; wadman nid toktok na tori simbaan imay reloj ya mankankaninag a salming so sakob to; sikara niman a tindaay intsik, a maringdingot so kortina ra tan nanrijas na balatyang so dorongawan da, ya sakey ed saraman a rijas et pinikewet toy sakey a lábi ya akialalig ed saray pilyon ag abangatan ya ugugaw ed Ibále: anggapo ni ametek.
"Masiadoy tantay ibobolaslás na bansá!" kuanton makalkalna tan intuloy tod lansangan na Sacristía.
"Sorbitee e," kuanda nin manbanbandoy managlakoy sorbites; ag met ni asalatan iramay huepes onó
(1) Too ya wala onó wala ray atgo sisiaen ya ibabangat na religion katólika.
(2) Pilipino ya ag ontewek a maminpinsan ed nantekep ya uley day militar tan papari diad Pilipinas nen tiempoy kastila, tan malabay odino mankikimey ni ingen ed kasiyay Pilipinas ed España.
