si Donya Consolation a manuwab ed sakey a sukong a
sankanengneng so sangi ton andekedeket tan ngipen
ton angilengileb la; lingaylingayen to balet a singa mangigagaem imay kaput na pangawan a napnoy dibujo
ran marurutak. Akuyong toy asawa to ta saya lanti
et nanmaliw a mapagusto nanlapod impanalo to, ya abuloyan ton onbantay ed panalaysay dad saramay narel
tan panpairap dad sikara, no bilang. Aliling toy sakey
ya olimaw a nanaangob to lay bangkay, a singa to la nanananam a sisilsilamutan to lay sungot to, tan nanaalipanesan ed kakaabalay tatalaranan ton panpairap.
Say nengneng nen kapitan singa sakey a toon akagaway kasalanan to tan magbabawin marmaermen; anggapoy manyoryurong ed samay yurongan ton balbaleg a taburiten walay mano to, ya wadmad petek na retratoy Ari ya singa bilang intalagan yaalagar ed sananey a too.
Nen asingger lay las nueve, sinmabi kura ya amespesiaw so lupa to tan asilot so kirep to.
“ !Agay met lay bayag yo!” kuanen alferez.
“Agko la komon labay so ombantay,” kuanen pari Salvi ya pinalabas to lay napnoy tuning a bosis nen al ferez; "amta yo la matalawak ed sarayan gawa.”
“Manlapod anggapoy arum ya akasabi ta agda labay a taynan so pasen da, inisip kon nakaukolay kiwala yo dia Amta yo lan ipikal lara naani no ngarem.”
“Si Ibarra tan si teniente-mayor.......... ?”
Inturo nen alferez so pangawan.
“Waloray wadtanay,” kuanto, “si Bruno inatey nen pegley labi balet nala mi paliwawa to.”
Inggalang nen kuray Donya Consolation, ya inebatan toniay uwab tan "!aah!” insan to la inyurong di mad taburiten baleg a wadmad petek na retratoy Ari.
“Nayarian ti lan igapo.” kuanto.
“Ipaway yo ra may duaran incepo!” kuanen alferez ya ingganggan ed bosis a ginawa toy anggaay nayarian to pian ompaway a makapataktakut; insan inmarap ed kinen kura ya inkuan ton nansalat na tono:
“Inyan iran niloksoay duaran abot.”
Ta piano saramay agni mikabat ed sarayan neng neng na panagpairap et natalusan day kabaliksan, ipaliwawa mi dia ya say cepo sakey lad saray singa aliwan
makapairap ya unong so nengneng to. Duaran pirazon
