“Sakey a bagel” kuanen alferez ed kinen kura; “ombabatik la wari et naknad olpo. Sikaraya labat a duay mabilay.”
“?Siopay ngaran mo?” kuay tepet Tien alferez ed
Tarsilo.
“Tarsilo Alasigan”
“Antoy insipan nen D. Crisostomo ed sikayo ta piano looban yoy kuartel?”
“Anggapon balot so akibibiangan nen D. Crisosto mo ed sikami.”
" !Agka manbuburi! Sikatoy akasengeg na labayo kamin biglaan!”
"Nalilingo kayo; pinatey yoy ama mi ed pekpek kanian imbalesan mi, — satan labat. Anap yo ra may duaran kaiba yo.”
Si alferez ninengneng ton mankelaw si sargento.
"Wadman irad kelas, dimay angibantakan mid sikara karoman tan diman ira manbulok. Natan patey yoak, anggapo lay naamtaan yo.”
Keneng, tan mankelaw iran amin.
"Ibagam no siopa ray kanunong mo, kuanen alferez ya iwaswaswas toy babuyan.
Akaimis na ag mangitaltalek imay periso.
Akitongtong ya aganoy alferez ed kinen kura, in san pinmigar ed saramay sondalo, " !Yakar yod man ed kawalaan da ran may bangkay!!” kuanton ingganggan.
Diman ed sakey a sukong na patio ya nanbobontonan ira ed sakey a kariton, wadman so limaran bang kay ya asakbongan iray daiset na sakey a pirasoy ikamen ya apilat tan marutak. Wadman ya akarakar ed abay so sakey a sondalo ya mabetbetbet a mantupay.
"Kabat mo ra ya?” kuanen alferez ya intagey to may ikamen.
Ag inmebat si Tarsilo; anengneng toy bangkay ton may asawa nen ambagel a wala ni iba ton duara, ontan met na bangkay nen agi to ya atanektanek na duyok, tan say bankay nen Lucas a walay lubir ed beklew to. Binmilunget so kanenengneng to tan singa inmingas.
"Kabat mo ra?” kuan lamet nen alferez.
Si Tarsilo ag inmesel ya aliling toy emel.
Nginmisiw imay babuyan tan sinmikdak a dinmapod beneg to. Akigtot tan binmirel iray laman to.
