Nantotumbukay sikdak na babuyan, et ag ginmalaw si
Tarsilo ya singa anggapoy nalilikna to.
“Sikdakan yon anggad ag onbetag odino manpaliwawa!” kuanen alferez a maningal ed petang na ulo to.
“Ibagam lay tua, ta pateyen da ka met lan lamang,” kuanen directorcillo.
Impawil da lamet dimad salas a kawalaan ton may sakey a pirison atawag to lan ami sasantos, a mankeketaay ngipen to tan manpiklo ray sail to.
“?Kabat mo ya?” kuanen pari Salvi.
"iNatan ko labat nanengneng!” kuanen Tarsilo ya ninengneng ton singa akasian to may sakey.
Pinoniti nen alferez insan to indepak.
"Itaker yod bangko!”
Inlakes dad sakey a bangkon kiew ya agda la inekal imay posas ton kadadala. Lingawlingaw iman a pangaskasiyan a singa walay aanapen to, tan nen anengneng toy Donya Consolation inelek toy napnoy balaw. Nikelawan iramay wadman, tinumbok day arap day ma ta to tan anengneng day sinyora ya kinetket toy bibil to.
" !Sankakapuyan lan biin anengneng ko!” kuanen Tarsilo ed onman lan keneng; “gabgabayen ko ni akarokol diad bangkon singa itsurak natan ay nen say miakdol ed sikato ya singa si alferez.”
Pinmesiaw so lupa nen Musa.
"Pateyen yoak ed bakbak, sinyor alferez,” kuanton intuloy; ”et naani no labi ibalesanak nen asawa yo ed panlakap tod sikayo!”
“Bosalan yo!” kuanen alferez a maningal tan manggiwgiw ed petang na ulo to. Singa sikatoman labat so tinakpan nen Tarsilo ta kapanbosal dad sikato singa kinmidiam iray mata to ya akaliket.
Kapangisinyas nen alferez, sakey a guardia ya sankabenbenan toy babuyan inggapd toy sankamakapaermenan a gawa to. Singa kinmukot so amin a laman nen Tarsilo tan nangel so araldalem tan andukedukey ya aglem ya anta wala la lanti bosal to; intewek toy ulo to, tan saray kawes to nankalkalna ran aleteb na dala.
Si pari Salvi ya amespesiaw so lupa to tan singa ra mantetlek so mata to, inmalagey a mairirap, walay
insinyas tod lima to, insanla tinmaynan a ngalngalin
