agto napetek so akar to. Dimad lansangan anengneng
toy sakey a biin tubonbalo ya akasaral dimad padir a
singa nanpaawet na laman to, tan ag onggalagalaw a
mantatalineng, ya akalimata labat a singa anggapoy
nanenengneng to, tan akapeket iray garnet to ran akokut dimad dagdaan lan sinaralan ton padir. Nanaames
na ansakisakit a sinag na agew. Wadman ya agla wari
onlilinawa a singa to bibilangen iramay ondadapon mansikdak a bakbak tan makapasinagem ya aglem. Saman
imay agi nen Tarsilo ya bii.
Dimad salas agni tinmonday bakbak; samay pangaskasiyan a tubonbalo diad inkairapan to la amemet ya agla makaesel tan aalagden to labat lay kakesawan tan isawa ran may manpapairap ed sikato. Asabin siansiay inkaopotan toy biskeg nimay sondalo tan inleksab toy taklay ton mandungap; si alferez ya ampotipoti lupa tod sanok to tan kelaw to, insinyas ton okbaran da.
Inmalagey si Donya Consolation a walay inesaes ton inopit ed asawa to, tan saya intanger toy ulo to.
“Yakar yod man ed bobon!” insan to kuan. Saray pilipino amta ray kabaliksan to nia; say pananawag nian dusa ed salitay Tagalog timbain. Ag am ta no siopa kasi akanunot ya angigapo nian panagpairap balet anganko ta nanlapo nid inmonan panaon. “Say Katuaan a maniapod dalem na bobon” so sakey lagin napanawag ed sayan panagpairap, anggaman panangibaga yan nantarok na pasiki.
Dimad pegley na patioy tribunal, wadmay balibalin sangab na bobon a pinakalson inpanlalanip a bato ran mabilay. Wala met so kawayan ya inaksiw a panangalan may danum a mapalepalet, marukdutak tan mapalaloy banget. Bangabanga tan liplipong iran abeiag, amin a nengneng na dutak, tan danum a marutak, wadman iran nankakames, ta saman a bobon aiding toy pangawan; dimay kisasakdan day amin iramay aderal, agla labalabay ono anggapo lay kana; bengat lan napaktak diman, anggan antoni abig to, nipasen lan aderal. Et anggaman bantakay ganagana, ag natatabonan a balot; ta no arum iiter a dusa ray periso ya limasan dan kutkotan tan paaralemen, ya aliwan sa bilang so walay naalan kaabigan ed sayan dusa no ag say lapod mairap a kimey, tan andi saew a kapag perison onlolusor diman
a mankutkot, napetang tan agla onabig ya ipatey to la.
