Si Tarsilo terteregan ton arnin so gagawaen da ran may sondalo ya paraan. Amespesiaw so lupa to tan mangiwgiw iray bibil to odind mandarasal lagi. Anggapo la may itsura ton ag mangitaltalek a panasakob to kalamor na andi lan ilalo to, odino no agni nakal ya aminpinsan, abawasan la. Aminpiga ya intewek to may mataltalker warin beklew to ya inosdong to ray mata ton innengneng ed dalin a singa sipaparaan a mantepel na antoman a pamairap dad sikato.
Insingger dad man ed sangab na bobon a tomtumboken nen Donya Consolation a manimimis. Saman a masegsegang, nilimgis to kalamor a makakaibeg iramay nanbobuntonan a bangkay tan inmingas na araldalem.
“ llbagam lay tua!” kuan lamet nen directorcillo ed sikato; “ibitay da ka lan lamang ag maong so agkala manirap?”
“No kasumpal mo dia pateyen da kala,” kuanton impandn may sakey a cuadrillero.
Inekal da may bosal to insan da insabit ed duaran sail, ta nakaukolan ya ononay ulo to no ilebleb dan panayamen dimad dalem na danum a singa gawa ed timba, balet ta no too mabaybayag. Legan nen alferez a linman mananap na reloj a panbilangan toy minuto, man bitbitin si Tarsilo ya akaoyaoy so andukey a buek ton payagpayag ed dagem, tan akalikdem na daiset.
“No kristiano kayo, no walay puso yo,” kuanton akikasin makalkalna; “ibigla yoak a ipelag ta pian onbanggay ulok ed bato et ompateyak la. Balesen kayoy Dios ed sayan maabig a gawa nayarin nasabi agew a nadatngan yo met yan kipapasen!”
Pinmawil si alferez tan binantayan toy impangilosor a benbenbenan toy reloj.
“!Pankalna yo, pankalna yo!" kuanen Donya Con solation a maningal a tomtumbuken toy mata may to on pangaskasiyan; "asikaso yo!”
Samay aksiw mankakalkalnan onlolusor, tan si
Tarsilo onsasagar ya onggagasgas ed saramay batobaton akalungdaw tan tanaman iran akuliapotay lamuyak a marukdutak ya ontotobo rad man ed sengasengat na batobato. Kasanlilikna tinmonda may aksiw tan ginapoan nen alferez so nambilang na segundo.
