"!Napgaan! kuanton manelek.
Linminak lamet balet imay tapew na danum.
Pinalabas nen alferez so sakey minuto tan kapaldua insanto insinyas ya aonen da. Say lupa nen Tar silo agla kinmunet; saray lukablukab to akalukas iray kapaldua ya sankatakiling iray ampoti mata to; mana ges ed sangi toy danum a kapipitek a nanulatulat na dala; ambetebetel so onsisiplog a dagem balet ta agla ontatayegteg.
Nannenengnengan iramay wadman ya ampotipotin amiy kalupaan da, tan mapalaloy inkataktakot da. In sinyas nen alferez ya okbaran da insan la inmarawin sinonunot; indelnap nen Donya Consolation ya aminpigay apuy na tabako tod man ed akapaway iran olpo to et ag balot kinmeyer tan narep imay apuy.
“Inapusan toy Laman ton dili,” kuanton inmeremeren may sakey a cuadrillero; "nengneng yo pa tay dila to ay impaarap ton inseksek ed dalem a singa labay ton akmonen.”
Samay sakey a periso imimatonan ton amiy nagagawa ya mantayegteg tan mamutbutayong so lingeto ed takoto, tan ligabligab iray mata tod amin a sukong a singa ambagel. Inbilin nen alferez a salaysayen nen directorcillo.
“!Sinyor, sinyor!” kuanton maningal; "ibagak ya amin so labayo!”
“!Maong! Natan sirin, siopay ngaran mo?”
"!Andong, sinyor!”
“Bernardo.....Leonardo.....Ricardo.....Eduardo.....Gerardo ono anto?“
“!Andong, sinyor!” kuanton inulit nimay kuatit.
“Isulat yoy Bernardo ono anggan anto lad tan,” kuanen alferez.
"?Antoy apelyidom?”
Niiiengneng nen laki ya ataktakot.
“?Antoy apelyidom, antoy ipapano rad satay nga ran mon Andong?”
“!Ah, sinyor! Andong a Nanlaring, sinyor!”
Saramay wadman agda apokpokay impakalek da,
ya pati si dilin alferez akatondad pamaspasiai- to.
