Si Kapitana Tinay mannangis a pibitla toy ngaran nen anak ton Antonio; si makpel balet a Kapitana Ma ria nengnengnengen ton andi esel imay melag a rejas a balatyang ya akasanib ed saramay alenleneg a duaran anak ton siping.
Wadinan met imay biin katolangan nen Andong a managbonot na niog; sikato balet ag onaakis; wad man ya akarakar, mangakaksion ya akalislis iray taklay na aysing to tan labir a labir a singa to ra tatalumpatian so totoon wadman.
"Akanengneng ki lay ontan a kagagawa, Inerel day Andong ko ya paltogen da, icepo ra tan awiten dad Cabecera lapo labat ed baloy sanual to ? Nakaukolay ombales ed saya! Mapalalo lay panlour na kaugsan da ra niay guardia civil! Sambaan ko ya no makabigla ak ni anggan siopad sikara ya manaanap na sopuk di mad tanamanan ko ya singa aminpiga lan agawa, sankapen ko, sansankapen ko Anggano siak so sansankapen da no agkoya gawaen!” — Pigpigara balet so mimialig ed sayan katolangan a masebeg tan malangas.
“Say walay kasalanan ed sayan amin si Don Crisostomo,” kuay sakey a bii ya bansag na inngeswa to.
Samay maistroy eskuilaan wadman met ya akara kar ed utel day karaklan; wadman met si bior Juan balet ta agtola apaplosen iray lima to, tan agtola awit imay mitro to tan samay patawin to; baliwan ta akangel na mauges iran balita tan unong na panagnunot to, ya say arapen et singa kabaliksan toy agawa la, ibabaliwanan to lay Ibarra.
A las dos na ngarem, nitanlan tinmondad arap na tribunal so sakey a kariton ya ag tinambobongan, tan sinagoray duaran bakan kalakian. Niliktob dan tampol niran may totoon wadman a labay dan epasan tan gaygayen imay kariton.
“Aleg agyo gagaween itan; labay yo sirin a manakar ira?” kuanen Kapitana Maria, tan sikatoyay akabaat ed saramay wadman a kabolegan.
Pinmaway so duamplon sondalo ya niliktob da may kariton, insan manomtumbok ya impaway da ray peri so. Say inmonaona si Don Filipo ya binalor; inlugay ton
makakaimis si asawa to, saya balet inggapo toy mano-
