“!Ayewen mi kan isamba!” kuay sakey a masiken
ya ontotumbok ed Ibarra; “natonaw komon so kayamanan a tinipon day boleg mo ya manderal na kareenay
panbibilay mi! Ontua komoy pangisamba mid sika, ontua komon!"
"!Ibitay da ka komon, hereje” kuay sakey a biin kanayon nen Albino, tan agto apokpokay inkasikato ya anokdok na bato tan tinupak to.
Inalig dan tamtampol tan nauray dabok tan bato may masegsegang a tubonbalo.
Intepel nen Ibarra ya andi esel, andin irap na linawa, andin ingungot tan andin petang na ulo so masakit ya imbales da ran may ompapasen a kakanayon tan kakaaro daray apakpaunong. Sikatomay patnubang, sikatomay patanir a gagaween ed sikatoy baley ton angisaponan toy amin ya araro to ra. Intewek toy ulo to; nonunoten to pa lagi sakey a laki ya ililibot dan babakbaken ed saray lansangan ed Ibale, odino sakey ya akulaw ya atumban nauyos so bilay to ed impakanengneng toy uldy anak ton mandala ya akasabit ed sakey a sa ngay kiew, ono onlalabas pa lagi ed saray mata to so bilay nen Elias.
Apasout si alferez a pinapaliis to ramay onman lan karakel na totoon kibolobol, balet ta say tupak na bato tan pabaing ag tinmonda. Saksakey ya ina so agto ibabales ed Ibarra ray ermen to, —- si Kapitana Ma ria. Wadman labat kalamor ya ag onggalagalaw, gini tem to ray bibil to tan manaklebey iray lua to ya sankanengneng to ray duaraan anak ton onaarawi; diad panimimaton ed deedeen to, ermen to, tan pannangis ton andi esel, agla pankelawan si Niobe.(1)
Manarawi lara. Diad saray totoon akatandag ed saray mataltalag ya akalukas a dorongawan a nilalabasan da, saray angipatnag na kasisibeg dad kinen Ibarra saraman la ingen so agto la wari kabat, tan saramay miron a manpapalabas labat. Amin day kakaaro ta inmamot ira, pati si dilin kapitan Basilio ya sinebelan tonin pati si anak ton Sinang ya onnangis.
Anengneng nen Ibarra so manasesewek iran nakdaan ed abong ton apoulan, samay abong day ateng ton
(1) Diosa na panangaro tan ermey ina.
