Maamoamot ya impakabat na telegrama ed Ibale so agawa, tan kalabas na talompld tan anem oras, kukotengtengen da la ray palapagan a sasalitaen dan alimbos na misterio tan nantarok na pamagiaw, ya apanopandan, inaapiger, tan dakel met lay inumanoman na manbebenben a fiscal. Kaleganan to met nia nambabangil iran dengeldengel a manlalapod saray konbinto so akaona la ran binmawag a yeesaes day totoo ed ontan lan takut day makakangel. Sakey tan sakey a makapikakabat ed inkagawa, ya ngalngali la kalamor ya ag nabirbir ed gaway inkaoman to, manigsisian sigpot odino manduarua, ya unong met lad itukoy na narengel to ed panagnunot to tan liknaan ton dili.
Manwarin diad pakanengneng et anggapoy naomanay kareenay baley, nagugulo balet so bilay tan deen ed kaabongan a singa nagagawa bilang ed sakey a bilayay sira ya anggaman malinlinak tan malinlinew so tapew na danum, diad dalem balet manbulubol iran ag makareen a manousilan so andi esel a sisira. Krus iran pakapatnagay baytini, parakep tan galon iran pakanengnengay intagey na betang, anapbilay, kitagey na galang tan kipapasen, pakayari, tan arum ni, manbabaniangan iran aiding day mantektekiab iran kumpapey ed ililinawan dagem a napno bilang na kuartan balitok a nanenengneng na mata ray walad sakey a dapag ed baley. Diad biek a dapag balet makapal tan ambilunget a lurem so akasakbong ed katawenan a walan napaaninagan ed utel ton singa andeket iran anino, so rejas a balatyang, gulongguldng tan pati bitayen ni ingen. Singa
ra sankarengel a milmilad palayupoy na dagem so pa-
