nasalaysay, saray tutol, tan saray ag napokpokan ya
aglem tan pakaeyag day napapairap a dudusaen. Say
pulok day Marianas*” tan say Bagumbayan ompapatnag
irad matan singa ra asakbongay agilaygilay tan kadadalan sukbot, ya agla napanbibiigan iray mangeeral ed
saray inerel. Say kapalaran singa to ipaparungtal
so agawa ed kaisipan day taga Ibale ya aliling bilang
na paypay iran gawad China, ya diad sakey a pagpag
et pinintaay andeket tan diad biek balet dinorado ya
napnoy mabilabilay iran kolor, manomanok tan rosrosas.
Diad saray konbinto so pakanengnengay mapalalon gulo. Sagor dia sagor dimay luganan, manpapasiaran iray makauley daray Togiop day Papari, mantotungtong iran maamot, insan ira manbabales ya onlad palasio ray Mamakauley a mangiparungtal tan mangisipan na tulong da ed Uley ya unong ed sikara, et mapalaloy kaatapan to. Anunotan ira lamet ya asalsalitay kometa, malimali, tan arum niran singa pakanengnengay man ges a sabien.
“!Nakaukolay sakey a Te Deum! Nakaukolay sa key a Te Deum” (2) kuay sakey a pari ed sakey ed saray konbinto. “Tan natan ingen kapilitan ya anggapoy onkulang a manganta ed koro! Sankabalgan a panangasi Dios so pangipapanengneng ton malinlinew, lalo lad sarayan sankaguloan a panaon, na balbaleg a pakatutulong tayo ed Uley!”
“Awey so kababaingan to tan panketket tod bibil to natan nen General a buisit a Mai-Aguero,”(3) kuay sakey met a pari.
“?Anto komoy agawa to no anggapo ray Togiop tayon papari ey?”
“Tan piano napagalangan na manepeg yan inkagawa, nakaukolan a pakabatan so oldog a kosiniro tan say procurador(4) Gaudeamus(5) a taloy agew!
________
(1) Marianas odino Ladrones Islands, kapoloan irayan panangipaalisan da nen tiempoy kastila na saray napipirison nisesengeg ed politika.
(2) Misa ya pisasalamat.
(3) Say talus to “Manangipakabat na manges ya onsabi.” Sikato yay impangaran day papari ed General Joaquin Jovellar a Gobernador General diad Pilipinas ed taon iran 1883-1885. Sikatoyan Gobernador General, mapangasi kalamor a masiken a mas ni pikakabat to palagi mibakal nen say mangikurang na Gobiemo, so mangigagapon manggawa ray pamasimbalo ya makapanligwas ed bansa, kanian sikato la yay agda nanlabayay papari ed sikato.
(4) Manangasikasoy abasto.
(5) !Manliket itayo!
