"!Ontan pa komon!” “Manbilay si pari Salvi!” “Ontan pa komon!”
Diad sananey a konbinto, duma met so salitaan da.
"?Anengneng yo la? Nanaral ed saray Jesuitas itan; kuanko la lanti ta diad Ateneoy panlalapoan day filibustero!” kuay sakey a parin ampoti.
“Tan saray mamubusol ed Religion!”
“Inbagak la nen saman: — saray Jesuitas so mandederal ed bansa, tan saray tubonbalo; papalabasen ira labat maniapod sikaray mangiguguyatguyat na nambabangil ed papil(1) no walay yegyeg.”
“Tan bukor na Dios so makapikabat no antoy inkagawa ra!”
“On, balet ta siopa nidtay mangibagan aliway ginawa ra ey! No peles na yegyeg siopa ta nidtay makapangiguyatguyat na nambabangil! Kanian, si pari Secchi.......... ”(2)
Insan ira onimis ed baleg dan panmurmura.
“Sara balet so mauges a tiempo ey? tan saray bagyo ey?” tepet met na sakey a pari ya nantarok na balaw tan inkatuso; “aliwa pa lagin madios la tan?”
“!Anggan siopan sumisigay naparlesan to ra tan!”
“No say manuley lanti et musmus ya anggapoy amta to Wala may kuan dan, ‘Ibagam ed siak no an toy walad uldm ta ibagak no antoy itsuray salim!’ Nengneng yo balet so maong ya impankakaaro, saray palapagan kulang labat lay pankerew day mitra ya para si pan Salvi!”
"!Naala to tan! Singa to la susupsupen!”
“?So pakaisip mo?”
“?Anto sirin ey? Bengabengat lad tan natan et pangiiteran day mitra! Walay amtak ya angitdan da ya say akasengeg labat say impangisulat toy antikey a babasaen ya angipanengnengan ton anganggad nasarag dan kimey na indio et say manmekaniko........ psh! gendat laran kalokoan!”
"!Tua tan! Makadederal ed Religion iratan a nam
babangil a gawan andid katunungan!” kuan met na sa-
________
(1) Saray Jesuitas so manaasikaso na Observatorio ed Ibale (panagnengnengay itsuray tiempo)
(2) Makabat tan nibantog ya astronomo (mangaaral na bilay tan kurang
da ray planetas, agew, bitewen, etc., Italiano ya Jesuita.)
